વરસાદની આગાહી / ખેડા, ભરૂચથી લઇને અનેક જિલ્લાઓમાં આજે હળવાથી મધ્યમ વરસાદની આગાહી, જાણો કયા-કયા વિસ્તારોમાં ત્રાટકશે

રાજ્યમાં હજુ પણ વરસાદનો વરતારો છે. કેમ કે, હવામાન વિભાગે ફરી એકવાર વરસાદને લઈ યલો એલર્ટવાળી આગાહી કરી છે. જે મુજબ આજે કેટલાક જિલ્લાઓમાં ઓરેન્જ તો કેટલાક જિલ્લાઓમાં યેલો અલર્ટ આપ્યું છે. વલસાડ, દમણ અને દાદરા નગર હવેલીમાં ઓરેન્જ અલર્ટ સાથે ભારેથી અતિભારે વરસાદની આગાહી કરાઈ છે જ્યારે નર્મદા, સુરત, તાપી, નવસારી અને ડાંગમાં ભારે વરસાદ સાથે યેલો અલર્ટ અપાયું છે.

અમદાવાદમાં ભારે વરસાદ સાથે યેલો અલર્ટ અપાયું

હવામાન વિભાગની આગાહી મુજબ તારીખ 26 અને 27, 28 સપ્ટેમ્બરે અમદાવાદમાં ભારે વરસાદ સાથે યેલો અલર્ટ અપાયું છે. જ્યારે આજે ભાવનગર, અમરેલી, ગીર સોમનાથ, નર્મદા, સુરત અને, તાપીમાં યેલો અલર્ટ આપ્યું છે.

જ્યારે નવસારી, ડાંગ, વલસાડ અને, દાદરા નગર હવેલીમાં આજે ઓરેન્જ અલર્ટ સાથે ભારે વરસાદની આગાહી કરાી છે. તો 26 સપ્ટેમ્બરે અમદાવાદ, બોટાદ, ગીર સોમનાથ, આણંદ, વડોદરા, છોટાઉદેપુર, ભરૂચ અને, નર્મદામાં યેલો અલર્ટ સાથે ભારે વરસાદની આગાહી કરાઈ છે. અમરેલી, ભાવનગર, તાપી, નવસારી, વલસાડ, ડાંગ, દમણ અને દાદરા નગર હવેલીમાં ઓરેન્જ અલર્ટ સાથે ભારે વરસાદની આગાહી કરાઈ છે.

વધુ વાંચોઃ AMCએ લોકોના સ્વાસ્થ્ય સાથે ચેડા કરી કચરાના નિકાલની શરૂઆત, વેસ્ટ એનર્જી પ્લાન્ટ બન્યો માથાનો દુખાવો

તા. 25 અને 26નાં રોજ આ જિલ્લાઓમાં વરસાદની આગાહી

તા. 25 અને તા. 26 નાં રોજ નવસારી, દમણ, વલસાડ, દાદરા અને નગર હવેલીમાં છૂટા છવાયા સ્થળોએ ભારે વરસાદની આગાહી કરવામાં આવી છે.

બધા જ સમાચાર અને અપડેટ્સ મેળવવા માટે પ્લેસ્ટોર/ એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ