9 ફોટો ગેલેરી

Pitru Amavasya 2026 / સર્વપિતૃ અમાસ અને શનિશ્ચરી અમાસનો સંયોગ, પિતૃદોષ અને શનિદોષથી રાહત માટે જાણો 5 ખાસ ઉપાય

Last Updated: 02:29 PM, 10 October 2026

FOLLOW ON

શેર કરો

સર્વપિતૃ અમાવસ્યા અને શનિશ્ચરી અમાવસ્યાનો સંયોગ આ દિવસને ધાર્મિક દ્રષ્ટિએ વિશેષ મહત્વપૂર્ણ બનાવે છે. આ ખાસ અવસર પર ભગવાન શનિ સાથે જોડાયેલા કેટલાક ઉપાયો કરવાથી પિતૃઓના આશીર્વાદ પ્રાપ્ત કરવામાં મદદ મળે છે.

1/9

1. આજે 'સર્વપિતૃ અમાવસ્યા'

આજે શનિવાર, 10 ઓક્ટોબરના રોજ 'સર્વપિતૃ અમાવસ્યા' મનાવવામાં આવી રહી છે. તેને પિતૃપક્ષનો અંતિમ દિવસ માનવામાં આવે છે. ધાર્મિક માન્યતાઓ અનુસાર, જે પિતૃઓની મૃત્યુની ચોક્કસ તિથિ કે તારીખની જાણકારી ન હોય, તેમના માટે આ દિવસે શ્રાદ્ધ, તર્પણ અને પિંડદાન જેવા વિધિ-કર્મ કરવામાં આવે છે. આ ઉપરાંત, જો પિતૃપક્ષ દરમિયાન કોઈ કારણસર કોઈ પિતૃનું શ્રાદ્ધ ન કરી શકાયું હોય, તો તેમના સન્માનમાં આ દિવસે તે વિધિ કરી શકાય છે. માન્યતા છે કે આમ કરવાથી પિતૃઓના આત્માને શાંતિ મળે છે અને પરિવાર પર તેમના આશીર્વાદ બની રહે છે.

આ તસવીર શેર કરો

2/9

2. ધાર્મિક અને જ્યોતિષીય માન્યતાઓ

આ વખતે સર્વપિતૃ અમાવસ્યા શનિવારે આવતી હોવાથી તે શનિશ્ચરી અમાવસ્યા સાથે સંયોગ રચે છે. ધાર્મિક અને જ્યોતિષીય માન્યતાઓ અનુસાર, આ દિવસ પિતૃઓના આશીર્વાદની સાથે સાથે ભગવાન શનિના આશીર્વાદ મેળવવા માટે પણ અત્યંત મહત્વપૂર્ણ માનવામાં આવે છે. શનિ દેવને કર્મોનું ફળ આપનારા દેવતા તરીકે પૂજવામાં આવે છે. અમાવ્યાસ્ય તિથિ પિતૃઓને યાદ કરવા અને તેમના નિમિત્તે વિધિઓ કરવા સાથે જોડાયેલી છે. માન્યતા છે કે, આ દિવસે અમુક ચોક્કસ ઉપાયો કરવાથી શનિ દોષ અને પિતૃ દોષની નકારાત્મક અસરોને ઓછી કરવામાં મદદ મળી શકે છે. આવો, જાણીએ કે સર્વપિતૃ અમાવસ્યાના દિવસે કયા ઉપાયો કરવા શુભ માનવામાં આવે છે.

આ તસવીર શેર કરો

3/9

3. પીપળાના ઝાડની કરો પૂજા

ધાર્મિક માન્યતાઓ અનુસાર, સર્વપિતૃ અમાવસ્યાના દિવસે પીપળાના વૃક્ષની પૂજા કરવી શુભ માનવામાં આવે છે. આ દિવસે પીપળાના વૃક્ષ પાસે જઈને તેને જળ અર્પણ કરો અને શ્રદ્ધાપૂર્વક તેની અગિયાર વાર પરિક્રમા કરો. માન્યતા છે કે આમ કરવાથી પિતૃઓના આશીર્વાદ પ્રાપ્ત થાય છે. આ ઉપરાંત, તમે તમારા પિતૃઓનું સ્મરણ કરતાં પીપળાના પાન પર મીઠાઈ પણ અર્પણ કરી શકો છો.

આ તસવીર શેર કરો

4/9

4. સાંજના સમય પ્રગ્ટાવો દીવો

સર્વપિતૃ અમાસ પર સાંજના સમયે દીવાનું દાન કરવાનું વિશેષ મહત્વ માનવામાં આવે છે. ધાર્મિક માન્યતાઓ અનુસાર, આ દિવસે પિતૃઓના સન્માનમાં ઘરમાં અથવા કોઈ યોગ્ય સ્થળે દીવો પ્રગટાવવો જોઈએ અને તેમના આત્માની શાંતિ માટે પ્રાર્થના કરવી જોઈએ. આ ઉપરાંત, પિતૃઓ સાથે સંકળાયેલી દિશા એટલે કે દક્ષિણ દિશા તરફ મુખ રાખીને દીવો પ્રગટાવવાની પરંપરા પણ છે. આમ કરવું એ તેમના પ્રત્યે આદરભાવ વ્યક્ત કરવાનો એક માર્ગ માનવામાં આવે છે.

આ તસવીર શેર કરો

5/9

5. પંચ બલિ હેઠળ કાઢો ભોજન

પિતૃપક્ષ દરમિયાન 'પંચ બલિ'ની પરંપરા વિશેષ મહત્વ ધરાવે છે. આ પ્રથાના ભાગરૂપે, ભોજન તૈયાર થયા બાદ તેનો અમુક હિસ્સો ગાય, કૂતરા, કાગડા અને અન્ય જીવ-જંતુઓ માટે અલગ રાખવામાં આવે છે. પરંપરાગત રીત-રિવાજો અનુસાર, દેવતાઓ અને બ્રાહ્મણોને પણ ભોજન અર્પણ કરવામાં આવે છે. એવી માન્યતા છે કે આ કાર્યથી પિતૃઓને સંતોષ મળે છે અને જીવમાત્રની સેવા કરવાનું પુણ્ય પ્રાપ્ત થાય છે.

આ તસવીર શેર કરો

6/9

6. પિતૃઓની શાંતિ માટે કરો પાઠ

સર્વપિતૃ અમાવસ્યાના દિવસે પિતૃઓનું સ્મરણ કરતાં 'પિતૃ સ્તોત્ર'નો પાઠ કરવો શુભ માનવામાં આવે છે. તમે તમારી શ્રદ્ધા અને પારિવારિક પરંપરાઓ અનુસાર સવારે અથવા સાંજે તેનો પાઠ કરી શકો છો. આ સમય દરમિયાન પિતૃઓનું સ્મરણ કરો અને તેમની આત્માની શાંતિ માટે પ્રાર્થના કરો. ધાર્મિક માન્યતા છે કે, પિતૃઓને સમર્પિત વિધિઓ અને પ્રાર્થનાઓ કરવાથી તેમના આશીર્વાદ પ્રાપ્ત થાય છે.

આ તસવીર શેર કરો

7/9

7. શનિદેવને અર્પિત કરો સરસવનું તેલ

આ દિવસ શનિવારે આવતો હોવાથી, ભગવાન શનિની પૂજાનું વિશેષ મહત્વ છે. માન્યતા છે કે સર્વપિતૃ અમાવસ્યાના દિવસે ભગવાન શનિને સરસવનું તેલ અર્પણ કરવાથી અને જરૂરિયાતમંદોને મદદ કરવાથી સૌભાગ્યની પ્રાપ્તિ થાય છે. તમે તમારી શ્રદ્ધા અનુસાર શનિ મંદિરમાં જઈને પૂજા-અર્ચના કરી શકો છો. આ ઉપરાંત, હનુમાન ચાલીસાનો પાઠ કરવો અને જરૂરિયાતમંદ બાળકોને જરૂરી વસ્તુઓનું દાન કરવું એ પુણ્યશાળી કાર્યો માનવામાં આવે છે.

આ તસવીર શેર કરો

8/9

8. આ વાતોનું રાખો ધ્યાન

સર્વપિતૃ અમાવસ્યાના દિવસે શ્રાદ્ધ, તર્પણ અને દાન-પુણ્યના કાર્યો કરતી વખતે તમારી પારિવારિક પરંપરાઓ અને ધાર્મિક વિધિઓનું પાલન કરો. જરૂરિયાતમંદોને ભોજન કરાવવું, અન્ન અને વસ્ત્રનું દાન કરવું તેમજ પશુ-પક્ષીઓ માટે અન્ન-જળની વ્યવસ્થા કરવી પણ શુભ માનવામાં આવે છે. ધાર્મિક માન્યતાઓ અનુસાર, આ દિવસે શ્રદ્ધાપૂર્વક આવા કાર્યો કરવાથી પિતૃઓના આશીર્વાદ અને ભગવાન શનિની કૃપા પ્રાપ્ત થાય છે.

આ તસવીર શેર કરો

9/9

9. DISCLAIMER

ધર્મને લગતો આ આર્ટિકલ માત્ર અલગ-અલગ મળતી માહિતીને આધારિત છે. નહીં કે તમે તેને સત્ય જ માની લો. કારણ કે ધર્મ દરેકની આસ્થાનો વિષય છે. અહીં આપવામાં આવેલી જાણકારીને અનુસરતા પહેલા ધર્મ કે શાસ્ત્ર આધારિત જ્ઞાન ધરાવનારા વિદ્ધાનોની સલાહ લેવી અતિ આવશ્યક રહેશે. નહીં તો કોઇ મુશ્કેલી સર્જાય તો જવાબદારી vtvgujarati.com નહીં રહે. કારણ કે આ આર્ટિકલ ફક્ત ન્યૂઝના હેતુસર પબ્લિશ કરવામાં આવ્યો છે.

આ તસવીર શેર કરો

સંકળાયેલા મુદ્દાઓ

Remedies to Remove Shani Dosh pitru Dosh Sarva Pitru Amavasya 2026