નિર્ણય / હવે ટપાલમાં ઘરે જ આવી જશે ટ્રાફિકનો ઈ-મેમો, સાયબર ફ્રોડ અટકાવવા લેવાયો નિર્ણય

ગુજરાત ટપાલ વિભાગ અને પોલીસ વચ્ચે એક મહત્વનો કરાર થયો છે. આ કરાર અંતર્ગત હવે ટ્રાફિક ઈ-મેમો પ્રિન્ટ કરીને 'એકનોલેજમેન્ટ ડ્યુ' સ્પીડ પોસ્ટ સેવા દ્વારા વાહનચાલકના રજિસ્ટર્ડ સરનામે મોકલવામાં આવશે. તે ઉપરાંત પોસ્ટ ઓફિસમાં જ ઈ-ચલણ ભરવાની સુવિધા પણ શરુ કરવામાં આવશે.

કેમ લેવાયો નિર્ણય?

આજકાલ ટ્રાફિક ઈ-મેમોને નામે સાયબર ફ્રોડ ચાલી રહ્યો છે. ઠગબાજો વાહનચાલકોને ડરાવવા અને તેમના બેંક ખાતા ખાલી કરવા માટે નકલી મેસેજ અને લિંક્સનો ઉપયોગ કરે છે. તમને તમારા મોબાઈલ પર એક મેસેજ આવે છે, જેમાં લખ્યું હોય છે કે તમે ટ્રાફિક નિયમોનું ઉલ્લંઘન કર્યું છે અને તમારો દંડ બાકી છે આવું કહીને ફ્રોડ કરવામાં આવે છે. ઠગબાજો તમને લિંક પણ મોકલે છે. લિંક પર ક્લિક કરતા જ કોઈ નકલી એપ્લિકેશન (Apk ફાઇલ) ડાઉનલોડ થઈ જાય છે અથવા નેટ બેંકિંગ/કાર્ડની વિગતો અને OTP માંગવામાં આવે છે. તેના દ્વારા સ્કેમર્સ તમારા ફોનનો એક્સેસ મેળવીને બેંક ખાતામાંથી પૈસા ઉપાડી લે છે.

વધુ વાંચો : વાંધાજનક ફોટો વાયરલ થતાં વિદ્યાર્થીનીએ જીવન ટૂંકાવાનો કર્યો પ્રયાસ, રાજકોટની મારવાડી કોલેજ ફરી વિવાદમાં

ટાઈમસર ઈ-મેમો ભરી દેવો જોઈએ

સુપ્રીમ કોર્ટના કડક આદેશ મુજબ, જો સમયસર ઈ-મેમોનો દંડ ભરવામાં નહીં આવે તો વાહન જપ્ત થઈ શકે છે, તેમજ આરસી બુક (RC), પીયુસી (PUC) અને ડ્રાઇવિંગ લાઇસન્સ રિન્યુઅલ જેવી RTO સેવાઓ અટકાવી દેવામાં આવશે.

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ