ગુજરાત / દ્વારકામાં ચાલુ બાઇકે યુવકને હાર્ટએટેક, ઉતરતાં જ 10 સેકન્ડમાં ઢળી પડ્યો

દેવભૂમિ દ્વારકા જિલ્લાના સલાયા પંથકમાંથી એક ચોકાવનારા અને આઘાતજનક સમાચાર આવ્યા છે. ગઈકાલે બપોરે સલાયા ખાતે એક યુવાનનું ચાલુ બાઈકે હાર્ટ એટેક આવતા ઘટના સ્થળે મોત નીપજ્યુ છે. આ સમગ્ર ઘટનાના CCTV ફૂટેજ પણ સામે આવ્યા છે.

મળતી માહિતી મુજબ, સલાયામાં રહેતો સલીમ સંઘાર નામનો યુવાન બપોરના સમયે પોતાનું બાઈક લઈને જઇ રહ્યો હતો. તે સમયે તેની પાછળ એક અન્ય વ્યક્તિ પણ બેઠેલી હતી. સલીમે જૂના કબ્રસ્તાન પાસે બાઈક પર પાછળ બેઠેલી વ્યક્તિને ઉતારી દીધી. ત્યાર બાદ જેવો સલીમ બાઈક લઈને આગળ જાય છે તેવો જ હાર્ટએટેક આવતા બાઈક પરથી ઢળી પડ્યો હતો.

આ પણ વાંચોઃ વાલીઓ ધ્યાન આપે!RTE હેઠળ ધોરણ-1માં પ્રવેશ માટે ઓનલાઈન રજિસ્ટ્રેશનનો પ્રારંભ

ઉલ્લેખનીય છે કે, સ્થાનિક લોકો તાત્કાલિક સલીમની મદદ માટે દોડી આવ્યા હતા અને તેને ગંભીર હાલતમાં સારવાર અર્થે હોસ્પિટલ ખસેડવાની કામગીરી હાથ ધરી હતી. હોસ્પિટલ પહોંચતા પહેલા જ તેનું મોત નીપજ્યુ હતું. હોસ્પિટલના ડોક્ટર ચેક કરીને મૃત જાહેર કર્યો હતો.

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ