Sabar Dairy Protest / કેજરીવાલ-ભગવંત માનની હાજરીમાં આજે મોડાસામાં 'AAP'ની મહાપંચાયત, વિવાદ સાબર ડેરીનો

સાબરકાંઠા-અરવલ્લીની પ્રતિષ્ઠિત સાબર ડેરીમાં પશુપાલકોને મળતા દૂઘના ભાવફેરને લઈ પશુપાલકો દ્વારા છેલ્લા એક અઠવાડિયાથી વિરોધ પ્રદર્શન કરવામાં આવી રહ્યું છે. હવે પશુપાલકોના સમર્થનમાં આમ આદમી પાર્ટીએ ઝંપલાવ્યું છે. આજે મોડાસાના મેઘરજ ખાતે આવેલ કુમકુમ પાર્ટી પ્લોટ ખાતે બપોરે 12 વાગ્યે ખેડૂત મહાપંચાયતનું આયોજન કરવામાં આવેલ છે.

પશુપાલકો દ્વારા દૂધના ભાવમાં 25 ટકાના વધારાની માંગ

આ મહાપંચાયતમાં આમ આદમી પાર્ટીના રાષ્ટ્રીય સંયોજક અરવિંદ કેજરીવાલ, પંજાબના મુખ્યમંત્રી ભગવંત માન અને ઈસુદાન ગઢવી સહિતના નેતાઓ ઉપસ્થિત રહેશે. પશુપાલકો દ્વારા દૂધના ભાવમાં 25 ટકા વધારાની માંગ કરી રહ્યા છે. તેમજ છેલ્લા એક સપ્તાહથી ડેરીમાં દૂધ ભરાવવાનું બંધ કરી દેવામાં આવ્યું છે.

આ પણ વાંચોઃ ટોયલેટમાંથી ડાયરેક્ટ હાઇકોર્ટની સુનાવણીમાં જોડાનારને ફટકારાઇ ગજબની સજા, જાણીને ચોંકી જશો

પોલીસ દ્વારા ચુસ્ત પોલીસ બંદોબસ્ત ગોઠવાયો

મહાપંચાયત કાર્યક્રમને ધ્યાને રાખી પોલીસ દ્વારા ચુસ્ત બંદોબસ્ત ગોઠવવામાં આવ્યો છે. તેમજ કુમકું પાર્ટી પ્લોટ ખાતે ચુસ્ત પોલીસ બંદોબસ્ત ગોઠવવામાં આવ્યો છે. તેમજ એન્જિનીયરિંગ કોલેજ ખાતે હેલિપેડ ખાતે પણ ચુસ્ત પોલીસ બંદોબસ્ત ગોઠવવામાં આવ્યો છે. આમ આદમી પાર્ટીના કાર્યકરો તેમજ પશુપાલકો મોટી સંખ્યામાં આ મહાપંચાયતમાં હાજર રહેવાની શક્યતાઓ છે.

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ