રાજકોટમાં ક્ષત્રિયોના વિરોધ વચ્ચે પરષોત્તમ રૂપાલા સુરતના પ્રવાસે પહોચ્યા છે
Share
રાજકોટમાં ક્ષત્રિયોના વિરોધ વચ્ચે પરષોત્તમ રૂપાલા સુરતના પ્રવાસે પહોચ્યા છે. તેઓએ ઉમિયાધામ મંદિરમાં માતાજીના દર્શન કર્યા હતા અને આર્શીવાદ લીધા હતા. ત્યારબાદ પાટીદાર સમાજ ના અગ્રણીઓનો સંપર્ક શરૂ કર્યો હતો અને સભા સંબોધી હતી. રાજકોટ લોકસભા બેઠક ના ભાજપના ઉમેદવાર પરષોત્તમ રૂપાલા ચારે બાજુથી ભરાયા છે. ક્ષત્રિય સમાજ ના વિરોધને લઇ હવે પાટીદારોને રીઝવવાનો રૂપાલાનો પ્રયાસ શરૂ કર્યા છે. તેઓએ સુરતના પ્રસિદ્ધ ઉમિયાધામ મંદિરમાં માતાજીના દર્શન કર્યા હતા. ક્ષત્રિય સમાજના આકરા વિરોધ વચ્ચે રૂપાલાએ અહી ટૂંકુ ભાષણ આપ્યુ હતું. વિવાદ બાદ કોઇ પણ સમાજ વિશે રૂપાલા બોલવાનું ટાળી રહ્યા છે. સુરત શહેરને 'મિની ઇન્ડિયા' ગણાવી રૂપાલાએ સંબોધન આટોપ્યુ હતું.
શું કહ્યુ હતું રુપાલાએ જેનાથી થયો વિવાદ
રાજકોટ બેઠકના ભાજપના ઉમેદવાર પરષોત્તમ રૂપાલાએ રજવાડા અંગે ટિપ્પણી કરી હતી. જે વીડિયો સોશિયલ મીડિયામાં ખૂબ જ વાયરલ થયો છે. તેમણે કહ્યું કે, રૂખી સમાજે ધર્મ કે વ્યવહાર નહોતો બદલ્યો. સૌથી વધુ દમન થયુ છતા રૂખી સમાજ નહોતો ઝૂક્યો. વધુમાં કહ્યું હતું કે, મહારાજાઓએ અંગ્રેજો સામે રોટી-બેટીના વ્યવહાર કર્યા હતો. રૂપાલાના નિવેદનથી ક્ષત્રિય સમાજમાં રોષ જોવા મળી રહ્યો છે.
રૂપાલા ટીમમાં હવે રૂપાણી જૂથની એન્ટ્રી મળી
રાજકોટ સહિત સમગ્ર ગુજરાતમાં રહેતા ક્ષત્રિય સમાજનાં લોકોમાં પરષોત્તમ રૂપાલાએ કરેલ નિવેદનને લઈ રોષ જોવા મળી રહ્યો છે. જેને ધ્યાને લેતા ગત રોજ પરશોત્તમ રૂપાલા દિલ્હી પહોંચ્યા હતા. દિલ્હીથી પરત આવ્યા બાદ મોવડી મંડળ દ્વારા રૂપાલાની ટીમમાં મહત્વનાં ફેરફાર કરવામાં આવ્યા છે. જેમાં રૂપાલાની પ્રચાર ટીમમાં મોટા ફેરફાર કરવામાં આવ્યા છે. જેમાં રૂપાલાની ટીમમાં હવે રૂપાણી જૂથને એન્ટ્રી મળી છે. રૂપાલાનાં વિવાદને ડેમેજ કંટ્રોલ કરવા કોઈ નજીકના નેતા ન આવતા.જે બાબત મોવડી મંડળના ધ્યાને આવતા નિર્ણય લેવાયો હતો. રૂપાલા સાથે સોમવારથી નવા ચહેરાઓ જોવા મળશે. આજે રૂપાલા સુરત ખાતે કાર્યક્રમમાં ભાગ લેશે.
લોકસભા ચૂંટણીને લઈને સરહદી જિલ્લાઓમાં પોલીસ એલર્ટ બની છે. મધ્યપ્રદેશ, રાજસ્થાનને જોડતી ગુજરાત બોર્ડર પર પોલીસે ચેકિંગ હાથ ધર્યુ હતું. લોકસભા ચૂંટણીની તડામાર તૈયારીઓ ચાલી રહી છે. દરેક પક્ષ મતદારોને મનાવવા એડીચોટીનું જોર લગાવી રહ્યા છે. ત્યારે ચૂંટણીને લઇ વહીવટીતંત્ર સાબદુ બન્યું છે. દાહોદ સરહદીય વિસ્તાર હોવાથી કોઇ અનિચ્છનીય ઘટના ન બને તે માટે પોલીસ દ્વારા સઘન ચેકિંગ થઇ રહ્યું છે. જિલ્લાને મધ્યપ્રદેશ-રાજસ્થાન સાથે જોડતી તમામ સરહદો મળીને કુલ 18 ચેક પોસ્ટ ઊભી કરાઇ છે. ખંગેલા બોર્ડર,લીમડી-ચાકલીયાના, ઝાલોદની ધાવડીયા,ઠુઠીકંકાસીયા બોર્ડર પાસે સજ્જડ બંદોબસ્ત કરાયો છે. આ તપાસનો હેતુ રાજ્યમાં ગેરકાયદેસર દારુ,રોકડ રકમ તથા હથિયારો ન આવે તેની કાળજી રાખવાનો છે. ભૂતકાળમાં થયેલ ગુનાઓનું પુનરાવર્તન ન થાય તે માટે જિલ્લા પોલીસ વડા સહીત જિલ્લા કલેક્ટર પણ બોર્ડરની વિઝીટ કરી રહયા છે.
