ક્રિકેટ / વિરાટ કોહલીની IPL ટીમ RCBની કિસ્મત પલટી નાખશે આ ખેલાડી, ઇંગ્લેન્ડની ટીમમાં રહી ચૂક્યો છે કોચ

• 2008માં શરૂ થયેલી રોયલ ચેલેન્જર્સ બેંગ્લોરની ટીમ IPLમાં ક્યારેય ટાઈટલ મેચ જીતી શકી નથી
• એન્ડીએ એક દાયકાથી વધુ સમયથી આંતરરાષ્ટ્રીય અને ફ્રેન્ચાઇઝી ક્રિકેટ ટીમોને કોચિંગ આપ્યું છે
• એન્ડી ફ્લાવર 2022માં IPLમાં જોડાયા બાદથી લખનઉ ટીમના કોચ હતા

RCB New Head Coach for IPL 2024: IPL 2024 ની શરૂઆત પહેલા, રોયલ ચેલેન્જર્સ બેંગ્લોર(RCB) અને વિરાટ કોહલીના ચાહકો માટે મોટા સમાચાર છે. જી, હાં મેનેજમેન્ટે એન્ડી ફ્લાવરને ટીમનો કોચ બનાવવાનો નિર્ણય લીધો છે. આ રીતે માઈક હેસન અને સંજય બાંગરનો કાર્યકાળ પૂરો થઈ ગયો છે. 2008માં શરૂ થયેલી રોયલ ચેલેન્જર્સ બેંગ્લોરની ટીમ ઈન્ડિયન પ્રીમિયર લીગમાં ક્યારેય ટાઈટલ મેચ જીતી શકી નથી.

એન્ડીએ એક દાયકાથી વધુ સમયથી આંતરરાષ્ટ્રીય અને ફ્રેન્ચાઇઝી ક્રિકેટ ટીમોને કોચિંગ આપ્યું છે. ઝિમ્બાબ્વેના દિગ્ગજ બેટ્સમેન ફ્લાવરે તેની કોચિંગ કારકિર્દી દરમિયાન PSL, ધ હંડ્રેડ, આઇટીએલ 20, ટી10માં પણ કોચિંગ કર્યું છે. તેઓ ઈંગ્લેન્ડ માટે ખૂબ જ સફળ કોચ રહ્યા છે. જેણે હોમ અને અવે એશિઝ અભિયાન તેમજ 2010માં T20 વર્લ્ડ કપ જીતીને ઈંગ્લેન્ડની ટેસ્ટ ટીમને વિશ્વમાં નંબર 1 પર પહોંચાડી હતી. તે ICC હોલ ઓફ ફેમમાં સામેલ થનાર ઝિમ્બાબ્વેના પ્રથમ ખેલાડી પણ છે.

We are beyond thrilled to welcome 𝗜𝗖𝗖 𝗛𝗮𝗹𝗹 𝗼𝗳 𝗙𝗮𝗺𝗲𝗿 and 𝗧𝟮𝟬 𝗪𝗼𝗿𝗹𝗱 𝗖𝘂𝗽 winning coach 𝐀𝐧𝐝𝐲 𝐅𝐥𝐨𝐰𝐞𝐫 as the 𝗛𝗲𝗮𝗱 𝗖𝗼𝗮𝗰𝗵 of RCB Men’s team. 🤩🙌

Andy’s experience of coaching IPL & T20 teams around the world, and leading his teams to titles… pic.twitter.com/WsMYGCkcYT

— Royal Challengers Bangalore (@RCBTweets) August 4, 2023

 પોતાના સમયમાં વિશ્વના સૌથી શાનદાર બેટ્સમેનોમાંના એક, એન્ડીએ ઝિમ્બાબ્વે માટે 63 ટેસ્ટમાં 12 સદી સાથે 51.54ની એવરેજથી 4794 રન બનાવ્યા હતા. તે જ સમયે, તેણે 213 ODI મેચોમાં 6786 રન બનાવ્યા. એન્ડીના ભાઈ ગ્રાન્ટ ફ્લાવર પણ કોચ રહી ચૂક્યા છે. એન્ડીની કારકિર્દી સૌથી સફળ રહી છે, તે એક ખેલાડી તરીકે સફળ રહ્યો છે અને ત્યાર બાદમાં તે કોચ તરીકે સફળ રહ્યો હતો. ભારતીય પરિસ્થિતિઓમાં ફ્લાવરનો સફળ ટ્રેક રેકોર્ડ છે.

સંજય બાંગર અને માઇક હેસનની થઇ છુટ્ટી
તે જ સમયે RCBએ ડિરેક્ટર ઓફ ક્રિકેટ ઓપરેશન્સ માઈક હેસન અને મુખ્ય કોચ સંજય બાંગરની છુટ્ટી કરી દીધી છે. બંનેનો કોન્ટ્રાક્ટ રિન્યુ થયો ન હતો. આ પ્રસંગે RCBના અધ્યક્ષ અને ડિયગો ઈન્ડિયાના ચીફ કોમર્શિયલ ઓફિસર પ્રથમેશ મિશ્રાએ કહ્યું, “છેલ્લી ચાર સિઝનમાં અમારી ટીમને ત્રણ વખત પ્લેઓફમાં પહોંચવામાં મદદ કરવા બદલ અમે માઈક હેસન અને સંજય બાંગરનો આભાર માનીએ છીએ.

ઘણા યુવા ખેલાડીઓને અમારા માટે સર્વોચ્ચ સ્તરે લઈ જવાથી, RCB તરફથી હું બંનેને તેમના ભાવિ પ્રયાસો માટે શુભેચ્છા પાઠવું છું અને એન્ડી ફ્લાવરનું સ્વાગત કરું છું."

લખનઉના હેડ કોચ હતા એન્ડી ફ્લાવર
નોંધનીય છે કે, એન્ડી ફ્લાવર લખનઉ સુપર જાયન્ટ્સ ટીમના મુખ્ય કોચ હતા. હવે તેમના સ્થાને જસ્ટિન લેંગરની નિમણૂક કરવામાં આવી છે. એન્ડી ફ્લાવર 2022માં IPLમાં જોડાયા બાદથી લખનઉ ટીમના કોચ હતા.