- ટીમ ઈન્ડિયાના કેપ્ટન રોહિત શર્માને મળશે નવો ઓપનિંગ પાર્ટનર
- ODI વર્લ્ડ કપમાં તેની ઓપનિંગની જવાબદારી છીનવાઈ શકે છે
- રોહિત શર્મા સાથે યશસ્વી જયસ્વાલને ઓપનિંગની મળી શકે છે જવાબદારી
ODI World Cup-2023: ભારતીય ટીમ આ વર્ષે 5 ઓક્ટોબરથી શરૂ થનાર ODI વર્લ્ડ કપ જીતવા માટે તનતોડ પ્રયત્ન કરશે. હકીકતમાં, આ ICC ટૂર્નામેન્ટ આ વખતે ભારતમાં રમાશે. આવી સ્થિતિમાં ટીમ ઈન્ડિયાના ચેમ્પિયન બનવાની સંભાવના પણ ઘણી વધારે છે. આ દરમિયાન ટીમ ઈન્ડિયાના કેપ્ટન રોહિત શર્માના ઓપનિંગ પાર્ટનરને લઈને મોટા સમાચાર આવ્યા છે.
રોહિતને મળશે નવો ઓપનિંગ પાર્ટનર!
અત્યાર સુધી ક્રિકેટ ફેંન્સ માને છે કે, રોહિત શર્માની સાથે ODI વર્લ્ડ કપમાં ઓપનિંગની જવાબદારી માત્ર શુભમન ગિલ જ નિભાવશે. જોકે, ગિલ જે પ્રકારનું પર્ફોર્મન્સ કરી રહ્યો છે, તેનાથી તેની શક્યતાઓ ઘટી જાય છે. શુભમન ગિલ હાલ ટીમ ઈન્ડિયા સાથે વેસ્ટ ઈન્ડિઝના પ્રવાસે છે. ગિલ બંને ટેસ્ટ મેચ રમ્યો હતો અને હવે તે ODI ફોર્મેટમાં ટીમનો ભાગ છે.
રી સીરિઝમાં ફ્લોપ
શુભમન ગિલ વેસ્ટ ઈન્ડિઝ સામેની આ સમગ્ર સિરીઝમાં અત્યાર સુધી ફ્લોપ સાબિત થયો છે. ડોમિનિકામાં રમાયેલી સિરીઝની પ્રથમ ટેસ્ટ મેચમાં તેણે માત્ર 6 રન બનાવ્યા હતા. આ પછી, તેણે બીજી ટેસ્ટની પ્રથમ ઇનિંગમાં 10 અને બીજી ઇનિંગમાં નાબાદ 29 રન ઉમેર્યા. ત્યારપછી તેનું ખરાબ ફોર્મ ODI સિરીઝમાં પણ ચાલુ રહ્યું અને હવે માનવામાં આવી રહ્યું છે કે, ODI વર્લ્ડ કપમાં તેની ઓપનિંગની જવાબદારી છીનવાઈ શકે છે.
વનડે સિરીઝમાં પણ ફ્લોપ
ભારતીય બેટ્સમેન શુભમન ગિલ પણ વેસ્ટ ઈન્ડિઝ સામેની વનડે સિરીઝમાં ફ્લોપ રહ્યો છે. તે બારબાડોસના કેન્સિંગ્ટન ઓવલ મેદાનમાં પ્રથમ વનડેમાં 7 રનની ઇનિંગ રમી શક્યો ન હતો અને હવે બીજી વનડેમાં પણ તેણે કોઈ ખાસ ઇનિંગ્સ રમી ન હતી. શુભમન ગિલ 49 બોલમાં 5 ચોગ્ગાની મદદથી 34 રન બનાવીને પેવેલિયન પરત ફર્યો હતો. તેની પાસેથી મોટી ઇનિંગ્સની અપેક્ષા હતી પરંતુ તે અડધી સદી પણ ફટકારી શક્યો નહોતો.
યશસ્વીને મળી શકે છે જવાબદારી
જો સ્થિતિ આવી જ રહી તો પસંદગીકારો યુવા યશસ્વી જયસ્વાલને ઓપનિંગની જવાબદારી આપી શકે છે. યશસ્વીએ રોહિત સાથે ટેસ્ટ સિરીઝમાં ઓપનિંગ કરી હતી. તેણે પોતાની ડેબ્યૂ ટેસ્ટ મેચમાં 171 રનની ઇનિંગ રમી હતી. ત્યારપછી ટીમ ઈન્ડિયાએ એક ઈનિંગ અને 141 રનના અંતરથી મેચ જીતી લીધી હતી. જયસ્વાલે અત્યાર સુધીમાં 32 લિસ્ટ A મેચ રમી છે, જેમાં બે સદી સહિત 5 સદી ફટકારી છે અને કુલ 1511 રન ઉમેર્યા છે.
