અનોખો રોબોટ / 6 ફૂટ લાંબો અને 10 લાખના ખર્ચે તૈયાર થયેલો રોબોટ બન્યો પૂજારી, બૌદ્ધ મંદિરમાં આપે છે સેવા

જાપાનમાં 400 વર્ષ જૂના બૌદ્ધ મંદિરમાં રોબોટને પૂજારી તરીકે નિયુક્ત કરવામાં આવ્યો છે. તો આવો જાણીએ કઈ રીતે કામ કરે છે આ રોબોટ, તેની બનાવટ કયા પ્રકારની છે અને શા માટે અન્ય પૂજારીઓ તેની સાથે કામ કરે છે. 

જાણો કઈ રીતે કામ કરે છે આ રોબોટ પૂજારી?
જાપાનના બૌદ્ધ મંદિરમાં પૂજારી તરીકે કામ કરતા રોબોટનું નામ એડ્રોઈડ કેનન છે. તેને ક્યોટોના કોદાઈજી મંદિરમાં રાખવામાં આવ્યો છે. આ રોબોટ મંદિરમાં હાથ જોડીને પ્રાર્થના કરે છે અને અહીં આવનારા શ્રદ્ધાળુઓને દયા અને કરુણાની શિખામણ આપે છે. મંદિરના અન્ય પૂજારીઓ આ કામમાં રોબોટની મદદ કરે છે. મંદિરના એક પૂજારી જણાવે છે કે આ રોબોટ ક્યારેય મૃત્યુ પામશે નહીં. તે સમયની સાથે પોતાને વિકસિત કરશે. આ વાતને કારણે આ રોબોટ ખાસ છે. તેનાથી અમને આશા છે કે બૌદ્ધ ધર્મ અનુસાર તે પોતાના જ્ઞાનમાં વૃદ્ધિ કરશે જેથી લોકોને મુશ્કેલ સ્થિતિમાં મદદ મળી શકે.

આ રીતે બન્યો છે પૂજારી રોબોટ
રોબોટ પૂજારી લગભગ 6 ફીટ લાંબો છે. જેના હાથ, ચહેરા અને ખભા પરનો ભાગ માનવીની ચામડી જેવા રંગના સિલિકોનથી બનાવવામાં આવી છે. તેને જોઈને ખ્યાલ આવી જાય છે કે તે એક રોબોટ છે. આ રોબોટને બનાવવામાં લગભગ 10 લાખ રૂપિયા ખર્ચ કરાયા છે. રોબોટને બનાવવામાં ઓસાકા વિશ્વવિદ્યાલયના જાણીતા રોબોટિક્સ પ્રોફેસર અને જૈન મંદિરના સહયોગથી બનાવવામાં આવ્યું છે. આ રોબોટ લોકોના ક્રોધ અને અહંકારના વિપરિત પરિણામો વિશે પણ જણાવી દે છે.