ક્રિકેટ / વિજય હજારે ટ્રોફી: યુપીના 'લાલ'નો ધમાકો, 60 બોલમાં ખેલી 106 રનની વિસ્ફોટક ઈનિંગ

ઉત્તર પ્રદેશના કેપ્ટન રિંકુ સિંહે વિજય હજારે ટ્રોફીમાં પોતાનું ફોર્મ જાળવી રાખ્યું છે. આજની મેચમાં તેને શાનદાર સદી ફટકારી હતી. રાજકોટમાં ચંદીગઢ સામેની મેચમાં રિંકુ સિંહે 60 બોલમાં 106 રન બનાવી નોટ આઉટ રહ્યો હતો. જે રિંકુ સિંહનો લિસ્ટ A કરિયરનો બેસ્ટ સ્કોર અને બીજી સદી પણ હતી.

વિજય હજારે ટ્રોફીમાં રિંકુ સિંહે હૈદરાબાદ સામેની પહેલી મેચમાં તેને 48 બોલમાં 67 રન બનાવ્યા હતા. આ મેચમાં તેને 48 બોલમાં 67 રન બનાવ્યા હતા. તો આજે જયારે તેને સદી મારી ત્યારે તે સદી 56 બોલમાં પૂરી કરી હતી.

ઉત્તર પ્રદેશના કેપ્ટન રિંકુ સિંહે આ મેચમાં 11 ચોગ્ગા અને 4 છગ્ગા ફટકાર્યા હતા. ટીમ માટે પાંચમા નંબર પર બેટિંગ કરવા આવેલા રિંકુ સિંહે 176.67 ના સ્ટ્રાઇક રેટથી રન બનાવ્યા હતા. જેથી તેમની ટીમનો સ્કોર 367/4 સુધી પહોંચ્યો હતો. જેમાં આર્યન જુયાલે પણ 134 રન બનાવ્યા હતા.

વધુ વાંચો : ઈશાન કિશનને T20 વર્લ્ડ કપ સ્ક્વૉડમાં કેવી રીતે સ્થાન મળ્યું? આર. અશ્વિને જણાવ્યું કારણ

ઉલ્લેખનીય છે કે, રિંકુ સિંહને આગામી T20 વર્લ્ડ કપ ટીમમાં લેવામાં આવ્યો છે. હવે વર્લ્ડ કપની મેચો પહેલા રિંકુ સિંહ શાનદાર ફોર્મમાં હોવાથી સિલેકટર્સ પણ ખુશ થઇ શકે છે. તેના આ ફોર્મના કારણે તેને પ્લેઈંગ 11માં સ્થાન પણ મળી શકે છે. 

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ