ભયાનક / VIDEO : બેફામ કાર ચાલકે વૃદ્ધને હવામાં ફગોળ્યા, અમદાવાદમાં ફરી જોવા મળ્યો રફતારનો કહેર

અમદાવાદ શહેરના કૃષ્ણનગર વિસ્તારમાં આવેલ સરદાર ચોક પાસે આજે વહેલી સવારે એક ગંભીર માર્ગ અકસ્માત સર્જાયો હતો. બેફામ ઝડપે દોડતી કાર ચાલકે સાયકલ પર સવાર વૃદ્ધને અડફેટે લીધા હતા. જેને કારણે તેઓને ગંભીર ઈજાઓ પહોંચી છે અને હાલ તેઓ હોસ્પિટલમાં સારવાર હેઠળ છે.

અકસ્માત બાદ કાર 20 ફૂટ દૂર જઈને ઊભી રહી

પ્રાથમિક માહિતી અનુસાર, કારની ગતિ એટલી વધુ હતી કે અકસ્માત બાદ કાર લગભગ ૨૦ ફૂટ દૂર જઈને અટકી હતી. સમગ્ર ઘટના નજીકના સીસીટીવી કેમેરામાં કેદ થઈ છે.

ભયનો માહોલ સર્જાયો

આ ઘટનાને લઈને વિસ્તારમાં ભયનો માહોલ સર્જાયો છે. હોનારત બાદ રાહદારીઓ અને સ્થાનિક લોકોએ ઇજાગ્રસ્ત વૃદ્ધને તાત્કાલિક સારવાર માટે નજીકની હોસ્પિટલમાં ખસેડ્યા હતા.

આ પણ વાંચોઃ VIDEO : કારના બોનેટ પર 11 કેક કાપી, જાહેર રોડ પર ફટાકડા ફોડીને કરી જન્મદિવસની ઉજવણી

કોઈ પોલીસ ફરિયાદ નોંધાઈ નથી

હજુ સુધી આ મામલે કોઈ પોલીસ ફરિયાદ નોંધાઈ નથી. પોલીસ દ્વારા ઘટનાની તપાસ શરૂ કરવામાં આવી છે અને સીસીટીવી ફૂટેજના આધારે આરોપીની ઓળખ કરવાની પ્રક્રિયા હાથ ધરવામાં આવી રહી છે.

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ