સ્ટોક માર્કેટ / તમારી પાસે 100 શેર હશે તો થઈ જશે 400 શેર, આ કંપની આપશે બોનસ શેર

રેમસ ફાર્માસ્યુટિકલ્સના શેર આજે બુધવારે ફોકસમાં છે. કંપનીના શેરમાં આજે 20%ની ઉપલી સર્કિટ લાગી હતી અને રૂ. 8,294.10ની 52 સપ્તાહની ટોચે પહોંચી હતી. અગાઉ મંગળવારે આ શેર રૂ. 6,911.75 પર બંધ થયો હતો. એટલે કે આજે કંપનીના શેરમાં 20% અથવા રૂ. 1,382.35નો વધારો થયો હતો. શેરના આ વધારા પાછળ એક મોટું કારણ છે. કંપનીએ તેના શેરધારકો માટે બોનસ શેરની જાહેરાત કરી છે.

કંપની દરેક 1 માટે 3 બોનસ શેર આપશે

જણાવી દઈએ કે કંપનીએ શેરબજારને જાણ કરી હતી કે તેના બોર્ડ મેમ્બરે કંપનીના ઈક્વિટી શેરધારકોને 3:1ના રેશિયોમાં બોનસ શેર ઈશ્યૂ કરવાની મંજૂરી આપી છે. આ ઉપરાંત, કંપનીએ FY24 માટે શેર દીઠ રૂ. 4નું બીજું વચગાળાનું ડિવિડન્ડ પણ જાહેર કર્યું છે. જાહેરાત મુજબ, વચગાળાના ડિવિડન્ડની ચુકવણી માટેની પાત્રતા માટેની રેકોર્ડ તારીખ 2 મે હશે.

લિસ્ટિંગ મે 2023માં થયું હતું

મે 2023માં NSE ઇમર્જ પ્લેટફોર્મ પર લિસ્ટિંગ થયા બાદ રેમસ ફાર્માના શેરમાં 385 ટકાનો વધારો થયો છે. રેમસ ફાર્માના શેરમાં વાર્ષિક ધોરણે 7 ટકાનો વધારો થયો છે. સપ્ટેમ્બર 2023 ના રોજ પૂરા થયેલા સમયગાળા માટે, રીમસ ફાર્માએ રૂ. 29 કરોડના ટર્નઓવર સાથે રૂ. 8 કરોડનો ચોખ્ખો નફો કર્યો હતો. શેર 97ના PE પર ટ્રેડ થઈ રહ્યા છે.

વધુ વાંચો : અનિલ અંબાણીની કંપનીએ રોકાણકારોને કર્યા માલામાલ, શેર પહોંચ્યો 9 થી 190 રૂપિયાને પાર

શેરહોલ્ડિંગ પેટર્ન શું છે

માર્ચ 2024 માટે શેરહોલ્ડિંગ પેટર્ન દર્શાવે છે કે સપ્ટેમ્બર 2023 ક્વાર્ટરની સરખામણીમાં પ્રમોટર્સ અને FII એ કંપનીમાં તેમનો હિસ્સો નજીવો વધાર્યો છે. કંપનીમાં પ્રમોટર્સનો હિસ્સો 70.60 ટકા છે, જ્યારે FIIનો હિસ્સો 3.25 ટકા છે. સપ્ટેમ્બરના સમયગાળા માટે કંપનીમાં FIIનો હિસ્સો 2.38 ટકા હતો.