કાર્યવાહી / રાજકોટમાં નંબર પ્લેટ વિનાની કારમાં ઇંધણ પૂરી દેતા કર્મચારી-કાર ચાલક વિરુદ્ધ ફરિયાદ

રાજકોટમાં ‘નંબર પ્લેટ નહીં તો ઈંધણ નહીં’ના જાહેરનામાના ભંગનો મામલો સામે આવ્યો છે. ઢેબર રોડ પર આવેલા એક પેટ્રોલ પંપ ખાતે નંબર પ્લેટ વગરની કારમાં ઈંધણ પૂરવામાં આવતું હોવાનો વીડિયો સોશિયલ મીડિયામાં વાયરલ થયા બાદ પોલીસ દ્વારા કાર્યવાહી કરવામાં આવી છે.

પોલીસે કાર્યવાહી હાથ ધરી

આ મામલે ભક્તિનગર પોલીસ સ્ટેશન ખાતે પેટ્રોલ પંપના કર્મચારી પંકજસિંહ તથા કાર ચાલક જયભાણ ગઢવી વિરુદ્ધ ફરિયાદ નોંધવામાં આવી છે. બંને સામે BNSSની કલમ 223 હેઠળ કાર્યવાહી કરવામાં આવી હોવાનું જાણવા મળ્યું છે.

વીડિયો વાયરલ થયા બાદ પોલીસ એક્શનમાં

પોલીસના જણાવ્યા મુજબ, જાહેરનામા મુજબ નંબર પ્લેટ વગરના વાહનમાં ઈંધણ ન આપવાની જોગવાઈ હોવા છતાં કારમાં પેટ્રોલ ભરવામાં આવ્યું હોવાનો આક્ષેપ છે. સમગ્ર ઘટનાનો વીડિયો વાયરલ થયા બાદ પોલીસના ધ્યાને મામલો આવ્યો હતો.

આ પણ વાંચોઃ લોકમેળા માટે રાજકોટ મનપાએ રેસકોર્ષ ગ્રાઉન્ડનું ભાડું માંગતા વિવાદ, આંકડો લાખોમાં

અટકાયત કરી વધુ કાયદેસરની કાર્યવાહી હાથ ધરી

ફરિયાદ નોંધાયા બાદ પોલીસે બંનેની અટકાયત કરી વધુ કાયદેસરની કાર્યવાહી હાથ ધરી છે. જાહેરનામાનો ભંગ કરનાર અન્ય પેટ્રોલ પંપો સામે પણ કાર્યવાહી કરવામાં આવશે કે કેમ તે અંગે પોલીસની તપાસ બાદ વધુ વિગતો સામે આવી શકે છે.

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ