- રશિયાના રાષ્ટ્રપતિ પુતીને વડાપ્રધાન નરેન્દ્ર મોદીના મુક્ત મને વખાણ કર્યા
- મેક ઇન ઇન્ડિયા કોન્સેપ્ટની બે મોઢે પ્રશંસા કરી
- મોદીને રશિયાના ખાસ મિત્ર ગણાવ્યા
વડાપ્રધાન નરેન્દ્ર મોદીની લોકપ્રિયતા દિવસેને દિવસે આસમાનને આંબી રહી છે. આવી સ્થિતિ વચ્ચે રશિયાના રાષ્ટ્રપતિ પુતીને વડાપ્રધાન નરેન્દ્ર મોદીના મુક્ત મને વખાણ કર્યા હતા. તેમણે પીએમ મોદીને રશિયાના ખાસ મિત્ર ગણાવી અને મેક ઇન ઇન્ડિયા કોન્સેપ્ટની બે મોઢે પ્રશંસા કરી હતી. તેઓએ કહ્યું હતું કે પીએમ મોદી થોડા વર્ષો અગાઉ મેક ઇન ઇન્ડિયાનો કોન્સેપ્ટ લાવ્યા હતા જેની ભારતીય અર્થવ્યવસ્થા પર આવકારદાયક અસર પડી છે.
અમેરિકાની ચાર દિવસની મુલાકાત બાદ સબંધ તેજ
નોંધનીય છે કે અમેરિકાના રાષ્ટ્રપતિ જો બાયડને વડાપ્રધાન મોદીને ખાસ મિત્ર ગણાવી વખાણ કર્યા બાદ અમેરિકાથી મોદી પરત આવ્યા છે આ સ્થિતિ વચ્ચે પુતીને મોદીના વખાણ કરી મહાન મિત્ર ગણાવ્યા હતા. અમેરિકાની ચાર દિવસની મુલાકાતે ગયેલા મોદીએ અમેરિકામાં અને કાર્યક્રમોમાં હાજરી આપી હતી.
યુદ્ધએ લોકોને વધુને વધુ નુકસાન પહોંચાડે છે
અમેરિકાની મુલાકાત અગાઉ પણ રશિયાએ ભારતને પોતાનો ખાસ મિત્ર ગણાવ્યા હતા. રશિયન રાજદૂત એ કહ્યું હતું કે ભારત હજુ પણ અમારા ખાસ વિશ્વાસુ મિત્ર છે અને અમે તેની મિત્રતા ટકાવી રાખીશું. વિશ્વની નજર મોદીની અમેરિકા મુલાકાત પર ટકેલી છે ત્યારે સૌથી વધુ અસર રશિયાને થાય છે કારણ કે રશિયાના અમેરિકાના સંબંધો સારા નથી અને યુક્રેનને લઈને બંને વચ્ચે તણાવ જોવા મળી રહ્યું છે. યુએસ સંસદના સંયુક્ત સત્રમાં પીએમ મોદીએ રસિયા અને યુક્રેનના મુદ્દાને લઇને નિવેદન આપતા જણાવ્યું હતું કે આ યુગ યુદ્ધનો યુગ નથી. અત્યારે દરેક સમસ્યાનો સમાધાન વાતચિતથી કરી શકાય છે અને યુદ્ધએ લોકોને વધુને વધુ નુકસાન પહોંચાડે છે.
