અમદાવાદ / હાશ! ફૂલના ભાવ તો ઘટ્યાં, દિવાળીના તહેવારો ટાણે જ જનતાને હાશકારો, જાણો લેટેસ્ટ કિંમત

દિવાળીના તહેવારમાં અમદાવાદવાસીઓ માટે પૂજા કરવી સસ્તી થઇ છે. અમદાવાદની ફૂલ બજારમાં ફૂલના ભાવમાં ઘટાડો જોવા મળ્યો હતો. જેના કારણે લોકોમાં ખુશીનો માહોલ જોવા મળ્યો છે. હાલ તહેવારને લઇ મોટા પ્રમાણમાં લોકો ફૂલોની ખરીદી કરવા માટે ઉમટતા હોય છે. ત્યારે આ તમામ ફૂલોના ભાવમાં ઘટાડો થતા લોકોએ મન મુકીને ફુલોની ખરીદી કરી હતી.

કેમ આવ્યો ઘટાડો

આ વર્ષે સારો વરસાદ વરસ્યો હતો. જેના કારણે ફૂલોની આવક સારા એવા પ્રમાણમાં થઇ છે. જેને લઇ વિવિધ ફૂલોની આવક બમણી થતાં ભાવમાં ધરખમ ઘટાડો જોવા મળ્યો છે. ત્યારે સામાન્ય જનતાને પરવડે તેવા ભાવથી લોકોમાં ખુશીનો માહોલ જોવા મળ્યો છે. ઉપરાંત ગત મહિના કરતા 50% જેટલા ભાવ ફૂલોના ઘટ્યા હતા. ત્યારે હાલ તમામ પ્રકારના ફૂલો 100 રૂપિયાથી અંદર થયા છે.

વધુ વાંચો : ઓનલાઈન શોપિંગથી ઓફલાઈન ધંધા હવે ખોટ તરફ! દિવાળી ટાણે જ રિલીફ રોડના વેપારીઓ નવરા બેઠેલા નજરે પડ્યાં

ગત વર્ષની સરખામણીએ આ વર્ષે 5 થી 10 ટકાનો ભાવ વધારો જોવા મળ્યો છે. ગત મહિને જે ૫૦ ટકા ભાવ વધારો થયો હતો એ હવે ઘટયો છે. જેમાં ગુલાબ કિલો ૧૦૦ કિલો, મિક્ષ ગુલાબ ૮૦ કિલો, પીળા ફૂલ ૬૦-૭૦ કિલો, કેસરી ફૂલ ૫૦-૬૦ કિલો, લીલી - ૧૦ રૂપિયા અને સામન્ય દિવસમાં ડમરો 25 નો મળે તે હાલ 15 નો મળી રહ્યો છે.

બધાજ સમાચાર અને અપડેટ્સ મેળવવા માટે પ્લેસ્ટોર/ એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ