gold price / લગ્નની સીઝન ટાણે ગોલ્ડમાં ફરી ચમક, 10 ગ્રામ સોનાના ભાવમાં રોકટ ગતિએ આટલો ઉછાળો, જાણો લેટેસ્ટ રેટ

• આસમાનને આંબી રહ્યા છે સોનાના ભાવ
• સોનાના ભાવમાં ફરી ચમક જોવા મળી
• સોનાના ભાવમાં રૂ. 480નો વધારો નોંધાયો

છેલ્લા કેટલાક દિવસથી સોનાના ભાવ આસમાનને આંબી રહ્યા છે. લગ્નની સિઝન ટાણે પણ સોનાના ભાવમાં વધારો અટકવાનું નામ જ ન લેતો હોવાથી યજમાનો પણ મુંજાયા છે. ભાવ વધારાને લઈને સામાન્ય પરિવારને સોનુ ખરીદવું જાણે લોઢાના ચણા ચાવવા બરાબર થયું છે. તેવામાં સોનાના ભાવમાં ફરી ચમક જોવા મળી હતી. જેમાં દિલ્હી બુલિયન માર્કેટમાં શુક્રવારે (14 એપ્રિલ) રોજ સોનાના ભાવમાં રૂ. 480નો વધારો નોંધાયો હતો. પરિણામે સોનુ તોલા દીઠ રૂ. 61,780 ની ઉચ્ચ સપાટીએ પહોંચ્યું હતું. HDFC સિક્યોરિટીઝે આ માહિતી આપી હતી. 

સોનાના ભાવ રૂ. 480 વધ્યા

મહત્વનું છે કે પાછળના કારોબારમાં દિવસમાં સોનું રૂ. 61,300 પ્રતિ 10 ગ્રામ પર બંધ થયું હતું. બીજી બાજુ ચાંદીના ભાવમાં પણ 410 રૂપિયાનો વધારો આવતા ભાવ 77,580 રૂપિયા પર સ્થિર થયા છે. HDFC સિક્યોરિટીઝના કોમોડિટીઝના વિશ્લેષકના જણાવ્યા અનુસાર બજારોમાં સોનાના ભાવ રૂ. 480 વધીને રૂ. 61,780 પ્રતિ 10 ગ્રામ પર સ્થિર થયા છે. જે અત્યાર સુધીના સૌથી વધુ ભાવ માનવામાં આવી રહ્યા છે. વિદેશી બજારમાં, સોનું અને ચાંદી અનુક્રમે $2,041 પ્રતિ અને $25.88 પ્રતિ પર ટ્રેડ થઈ રહ્યા હતા.

સોનું 62000ની નજીક પહોંચી ગયુ
ચેન્નાઈની વાત કરવામાં આવે તો 22 કેરેટના તોલાની કિંમત રૂપિયા 56,690 નોંધાઇ છે. જ્યારે  24 કેરેટ સોનાની કિંમત 61,840 રૂપિયામાં ખરીદી અને વેચવામાં આવી રહી છે. તો ગુરુગ્રામ અને નોઈડામાં 22 કેરેટ સોનું 56,240માં વેંચાયું હતું. અને 24 કેરેટ સોનું 61,340 રૂપિયામાં.વેંચાયું હતું. એ જ રીતે અમદાવાદ, પટના અને બેંગલુરુમાં 22 કેરેટ સોનાની કિંમત રૂ.56,140માં હતી. જ્યારે  24 કેરેટ સોનાનો ભાવ રૂ. 61,240 છે. ભુવનેશ્વર, પુણે અને હૈદરાબાદમાં 22 કેરેટ સોનું રૂ.56,090માં અને 24 કેરેટ સોનું 61,190 રૂપિયા સુધી પહોંચી ગયું હતું.