ગાંધીનગર / ખેડૂત પર હુમલો કરનાર આરોપી ઝડપાયા, પોલીસે અસામાજિક તત્વોને ભણાવ્યો કાયદાનો પાઠ

ગાંધીનગર જિલ્લામાં તોફાની તત્વો સામે પોલીસે કડક કાર્યવાહી હાથ ધરી છે. કલોલ તાલુકાના ધાનજ ગામમાં ખેડૂત પર થયેલા હુમલા કેસમાં પોલીસે બે મુખ્ય આરોપીઓને ઝડપી પાડ્યા છે. આ બંને આરોપીઓએ ખેડૂત પર પ્રહાર કરી જાનથી મારી નાખવાની ધમકી આપી હોવાની ફરિયાદ પોલીસ સ્ટેશનમાં નોંધાઈ હતી.

પ્રાથમિક તપાસ બાદ પોલીસે આ બે આરોપીઓને કસ્ટડીમાં લઈને તેમને સાથે રાખી ધાનજ ગામમાં રીકન્સ્ટ્રક્શન કર્યું હતું. ઘટનાસ્થળની તમામ વિગતવાર તપાસ હાથ ધરાઈ હતી, જેથી હુમલાનો ક્રમ, કારણ અને અન્ય સંડોવાયેલા લોકોની ઓળખ કરી શકાય.

કલોલ તાલુકા પોલીસ સ્ટેશનમાં ફરિયાદ નોંધાયા બાદ પોલીસે તાત્કાલિક ગતિવિધિઓ શરૂ કરી હતી. હજુ સુધી બે આરોપીઓને ઝડપી લેવામાં આવ્યા છે, જ્યારે બાકીના ફરાર આરોપીઓને શોધવા માટે પોલીસની ટીમો કામગીરીમાં લાગી ગઈ છે.

આ પણ વાંચોઃ વિદ્યાર્થીઓ માટે મહત્વના સમાચાર, ગુજરાત બોર્ડ પરીક્ષાની તારીખમાં ફેરફાર

પોલીસે સ્પષ્ટ કર્યું છે કે તોફાની તત્વો સામે શૂન્ય સહિષ્ણુતાની નીતિ અપનાવવામાં આવી છે અને ગામમાં કાયદો-સુવ્યવસ્થાનું જાળવણુ પ્રાથમિકતા રહેશે.

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ