મધ્યપ્રદેશ / 'પહેલા યુવકોએ ધર્મ બદલ્યો પછી 3 હિંદુ યુવતીઓને બનાવી મુસ્લિમ', ગૃહમંત્રી મિશ્રા બોલ્યા, એક આરોપી તો ઓવેસીની કોલેજનો હતો પ્રોફેસર

• ઈસ્લામિક સંગઠનના આરોપીઓ મામલે સૌથી મોટો ખુલાસો
• પ્રથમ પોતે અને પછી હિંદુ યુવતીને બનાવી મુસ્લિમ
• બ્રેઈનવોશ કરવાનો ચલાવતો હતો કલાસ

મધ્યપ્રદેશ ATSએ સૌથી મોટી કાર્યવાહી કરી કટ્ટરપંથી ઈસ્લામિક સંગઠન હિજ્બ-ઉત-તહરીર સંગઠનના શખ્સોને પકડી પાડયા હતા. બાદ તેની પૂછપરછમાં ચોંકાવનારા ધડાકા થયા છે. પૂછપરછમાં બહાર આવ્યું કે ઝપટે ચડેલા આરોપીઓમાંથી ત્રણ છોકરાઓ અગાઉ હિંદુ ધર્મનું પાલન હતા. બાદમાં તેઓએ મુસ્લિમ ધર્મ અપનાવ્યો હતો. વધુમાં આરોપીએ હિંદુ છોકરીઓને ઈસ્લામ ધર્મની અપનાવવા દબાણ કર્યા બાદ તેની સાથે લગ્ન કર્યા હતા. સૌથી મોટો ખુલાસો એ પણ થયો છે કે એક આરોપી ભોપાલમાં કોચિંગ ચલાવતો હતો. જેમાં આવતા  લોકોનું બ્રેઈનવોશ કરાતું હતું. પહેલા આરોપીઓએ ધર્મ બદલી બાદમાં છોકરીઓએ ઈસ્લામ કબૂલ કર્યો હોવાનો ધડાકો થયો છે.

ગૃહમંત્રી નરોત્તમ મિશ્રાએ કહ્યું...

આ મામલે મધ્યપ્રદેશના ગૃહમંત્રી નરોત્તમ મિશ્રાએ પણ જણાવ્યું હતું એટીએસની તપાસમાં બહાર આવ્યું કે ધરપકડ કરાયેલા સભ્યોમાંથી 3 સભ્યો હિંદુમાંથી મુસ્લિમ બન્યા બાદ હિંદુ છોકરીઓને ધર્મપરિવર્તન કરાવી લગ્ન કર્યા હતા. ગૃહમંત્રી નરોત્તમ મિશ્રાએ સત્તાવાર રીતે માહિતી આપતા કહ્યું કે હૈદરાબાદથી ધરપકડ કરાયેલ અને હિંદુમાંથી ધર્મ પરિવર્તન કરનાર મોહમ્મદ સલીમનું અગાઉનું ના. સૌરભ રાજવૈદ્ય હતું. વધુમા આરોપી દેવી પ્રસાદ પાંડેએ ધર્મ પરિવર્તન બાદ અબ્દુર રહેમાનના નામે ઓળખાતો હતો. તેજ રીતે હૈદરાબાદમાં રહેતો વેણુ કુમારનું નામ અબ્બાસ અલી રખાયું હતું. 

ઓવૈસીની કોલેજમાં પ્રોફેસર

સૌથી ખાસ વાત એ છે કે એટીએસે દબોચી લીધેલ આરોપીઓમાં મોહમ્મદ સલીમ AIMIMના વડા અસદુદ્દીન ઓવૈસીના ભાઈ કબરુદ્દીન ઓવૈસીની કોલેજમાં પ્રોફેસર હોવાનું પણ બહાર આવ્યું છે. આથી એટીએસ દ્વારા આ દિશામાં વધુ તપાસ હાથ ધરવામાં આવી છે.  પકડાયેલા આરોપીઓમાં જિમ ટ્રેનર, દરજી, ઓટો ડ્રાઇવર તથા કોચિંગ કલાસ સંચાલક હોવાનું બહાર આવ્યું છે. જે તમામનો મુખ્ય હેતુ નિર્દોષ છોકરીઓનું બ્રેઈનવોશ કરીને તેમને આતંકના ખપ્પરમાં હોમવાનો હતો.