શુભ સમાચાર / કેવું હશે આવતીકાલનું કેન્દ્રીય બજેટ, પ્રધાનમંત્રી મોદીએ એક દિવસ પહેલા આપ્યો મોટો સંકેત

• બજેટ સત્રમાં જતા પહેલા સંસદ પરિસરમાં પીએમ મોદીનું નિવેદન 
• 'ભારત પહેલા, નાગરિકો પહેલા', ભાવનાને સાર્થક કરતું હશે નાણા બજેટ
• આખી દુનિયાની નજર ભારતના બજેટ પર હશે

નાણામંત્રી નિર્મલા સીતારમણ 1 ફેબ્રુઆરીએ 2023-24નું બજેટ  રજૂ કરવા જઈ રહ્યા છે. બજેટને લઈને દરેકને ઘણી અપેક્ષાઓ છે. બજેટમાં લોકોને શું મળ્યું તે બુધવારે સવારે 11 વાગ્યે સંસદમાં જાણી શકાશે, પરંતુ તે પહેલા જ આજે સંસદના બજેટ સત્ર પહેલા જ વડાપ્રધાને પોતાના સંબોધનમાં ઇશારો કરીને બજેટની દિશા જણાવી હતી. 

Our Finance Minister is a woman too. She will present one more budget before the country tomorrow. In today's global circumstances, not only India but the entire world is looking at India's budget: PM Narendra Modi at the Parliament#BudgetSession pic.twitter.com/nvrC5sVmhO

— ANI (@ANI) January 31, 2023

ભારત પાસેથી દુનિયાને અપેક્ષાઓ
પીએમ મોદીએ આજે સંસદ સંકુલથી પોતાના સંબોધનમાં કહ્યું કે આ સમયે દુનિયાભરની અર્થવ્યવસ્થા તોફાનનો સામનો કરી રહી છે. આ મુશ્કેલ સમયમાં પણ ભારત વિશ્વ માટે આશાનું કેન્દ્ર બની રહ્યું છે. પીએમ મોદીએ એમ પણ કહ્યું કે તેમની સરકાર ઇન્ડિયા ફર્સ્ટ, સિટીઝન ફર્સ્ટની ભાવના સાથે કામ કરે છે. બજેટ પણ આ ભાવનાથી આગળ વધારવામાં આવશે.

બજેટ સામાન્ય લોકોની અપેક્ષાઓ પૂરી કરશે
પીએમ મોદીએ કહ્યું કે મને આશા છે કે ભારતનું બજેટ સામાન્ય લોકોની સાથે સાથે દુનિયાની આશાઓને પૂરી કરવાનો પ્રયાસ કરશે જે ભારતને આશાના કિરણના રૂપમાં જોઈ રહ્યા છે.

Taking the thought of 'India first, citizen first' we will take this Budget session of Parliament forward. I am hopeful that the opposition leaders will present their views before the Parliament: PM Modi at Parliament pic.twitter.com/mqyzpshx5W

— ANI (@ANI) January 31, 2023

Amid the unstable global economic situation, India's budget will attempt to meet the hopes&aspirations of the common citizens, the ray of hope being seen by world glows brighter-for this, I firmly believe that Nirmala Sitharaman will make all efforts to meet those aspirations: PM pic.twitter.com/BrYAbag1bH

— ANI (@ANI) January 31, 2023

બજેટ લોકપ્રિય હોઈ શકે 
વડાપ્રધાનની વાત પરથી લાગે છે કે ચૂંટણી પહેલાના આ છેલ્લા બજેટમાં સરકાર લોકકલ્યાણકારી યોજનાઓ માટે સરકારી તિજોરી ખોલી શકે છે. આ ઉપરાંત મોંઘવારી ઘટાડવા અને બચત અને કમાણી વધારવા સાથે સંબંધિત જાહેરાતો પણ થઇ શકે છે. બજેટમાં સામાન્ય લોકો પણ ટેક્સ છૂટમાં વધારો કરવાની માગ કરી રહ્યા છે. વર્ષ 2014થી ટેક્સ સ્લેબમાં કોઈ ફેરફાર કરવામાં આવ્યો નથી. જો કે સામાન્ય લોકોને છેલ્લા બે બજેટથી સ્લેબમાં ફેરફારની આશા હતી, પરંતુ આ વિશે કોઈ જાહેરાત કરવામાં આવી ન હતી.