ગાંધીનગર / 28 ફેબ્રુઆરીએ પ્રધાનમંત્રી મોદી આવશે સાણંદ, જાણો શું છે કાર્યક્રમ, દેશને મળશે 'મોટી ગિફ્ટ'

વડાપ્રધાન નરેન્દ્ર મોદી ફરી એકવાર ગુજરાતના પ્રવાસે આવી શકે છે. મળતી માહિતી અનુસાર 28 ફેબ્રુઆરીના રોજ પીએમ મોદી ગુજરાત આવશે તેવી પ્રબળ શક્યતા છે. આ પ્રવાસ દરમિયાન તેઓ સાણંદ ખાતે સ્થાપિત થનારા સેમિકન્ડક્ટર પ્લાન્ટની મુલાકાત લેશે.

સાણંદમાં બની રહેલા આ સેમિકન્ડક્ટર પ્લાન્ટને ભારતના ટેકનોલોજી ક્ષેત્ર માટે મહત્વપૂર્ણ પ્રોજેક્ટ તરીકે જોવામાં આવી રહ્યો છે. આ દરમિયાન વડાપ્રધાન મોદી ભારતમાં બનેલી પ્રથમ સ્વદેશી ચીપનું લોન્ચિંગ પણ કરશે. જે “મેક ઇન ઇન્ડિયા” અને “આત્મનિર્ભર ભારત” અભિયાન માટે ઐતિહાસિક ક્ષણ ગણાશે.

પીએમ મોદીના આ પ્રવાસ દરમિયાન અન્ય અનેક વિકાસલક્ષી કાર્યક્રમો પણ યોજાવાની શક્યતા છે. પીએમઓ દ્વારા કાર્યક્રમો પર આખરી નિર્ણય લેશે.

આ પણ વાંચોઃ એલન મસ્કની સ્પેસેક્સની સબસિડિયરી સ્ટારલિંક સાથે ગુજરાત સરકારે કર્યા લેટર ઓફ ઇન્ટેન્ટ

ઉલ્લેખનીય છે કે પીએમ મોદીના ગુજરાત પ્રવાસો દરમિયાન મોટા વિકાસકાર્યો અને મહત્વપૂર્ણ યોજનાઓની જાહેરાત થતી રહી છે. જેના કારણે આ પ્રવાસને લઈને રાજકીય અને ઔદ્યોગિક વર્તુળોમાં ઉત્સુકતા જોવા મળી રહી છે.

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ