શ્રધ્ધા / 100 દરવાજા, 51 શક્તિપીઠોમાંથી એક... PM મોદી કાલે કરશે આ મંદિરના દર્શન

• પ્રધાનમંત્રી મોદી આજથી બાંગ્લાદેશના 2 દિવસીય પ્રવાસે 
• 51 શક્તિપીઠ પૈકીના એક જોશોરેશ્વરી મંદિરમાં કરશે પૂજા-અર્ચના 
• એક સમયે આ મંદિરમાં હતા 100 દરવાજા 

પ્રધાનમંત્રી મોદીએ પ્રવાસ પહેલા કહ્યું હતું કે, હું પૌરાણિક પરંપરાની 51 શક્તિપીઠ પૈકીની એક પ્રાચીન જોશોરેશ્વરી કાલિ મંદિરમાં દેવી કાળીની પૂજા કરવા માટે ઉત્સાહભેર રાહ જોઇ રહ્યો છું. 

એક સમયે આ મંદિરમાં હતા 100 દરવાજા 

આ બાંગ્લાદેશની ત્રીજી સૌથી જાણીતી શક્તિપીઠ છે. કાલિ પૂજાના દિવસે અહીં ખૂબ જ મોટો ઉત્સવનું આયોજન કરવામાં આવે છે. કહેવાછે કે, એક સમયે આ મંદિરમાં 100 દરવાજા હતા. જેશોરેશ્વરીનો અર્થ થાય છે કે, જેશોરની દેવી. આ મંદિર ભારતીય ઉપમહાદ્વીપમાં રહેલ શક્તિપીઠ પૈકીની એક માનવામાં આવે છે. હિન્દુ માન્યતા અનુસાર આ મંદિર 51 શક્તિપીઠ પૈકીનું એક છે માટે હિન્દુ લોકોની આસ્થાનું પ્રતિક છે. 

પ્રધાનમંત્રી મોદી માટે તૈયાર કર્યું મંદિર 

મંદિરના કાર્યવાહક જ્યોતિ ચટ્ટોપાધ્યાયે જણાવ્યું હતું કે, તેઓ ભારતના પ્રધાનમંત્રી નરેન્દ્ર મોદીના સ્વાગત માટે ઉત્સુક છે. અમે એ વાતથી અભીભૂત થયાં છીએ કે, ભારતના પ્રધાનમંત્રી અમારા મંદિરમાં આવી રહ્યા છે અને અહીં પૂજા અર્ચના કરવાના છે. 

2 મંદિરના દર્શને જશે પ્રધાનમંત્રી 

2 દિવસના પ્રવાસે ગયેલા પ્રધાનમંત્રી દક્ષિમ-પશ્ચિમ સ્થિત સતખીરા અને ગોપાલગંજના જશોરેશ્વરી કાલિ મંદિર અને ઓરકાંડી મંદિરમાં દર્શન કરવાના છે.