ગુજરાત પ્રવાસ / PM મોદી ફરીવાર આવશે ગુજરાત, કરશે માં અંબાના દર્શન, જાણો ક્યારે?

Published By: Nirav Kumar

Last Updated: 01:51 PM, 11 November 2026

FOLLOW ON

શેર કરો

પ્રધાનમંત્રી નરેન્દ્ર મોદી 13 અને 14 નવેમ્બરે ગુજરાતના પ્રવાસે આવી રહ્યા છે. આ પ્રવાસ દરમિયાન તેઓ અંબાજી મંદિરમાં મા અંબાના દર્શન કરશે, ચાલો જાણીએ અમદાવાદથી લઈને દિલ્હી પરત ફરવા સુધીના કાર્યક્રમ વિષે.

ગુજરાત માટે એક મોટા સમાચાર સામે આવ્યા છે. દેશના પ્રધાનમંત્રી નરેન્દ્ર મોદી ફરી એકવાર ગુજરાતની મુલાકાતે આવી રહ્યા છે. 13 અને 14 નવેમ્બર દરમિયાન યોજાનારા આ પ્રવાસમાં તેઓ બનાસકાંઠાના પ્રસિદ્ધ યાત્રાધામ અંબાજી પહોંચીને મા અંબાના આશીર્વાદ લેશે. પ્રધાનમંત્રીના આગમનને ધ્યાનમાં રાખીને રાજ્યના વહીવટી તંત્ર અને સુરક્ષા એજન્સીઓએ તૈયારીઓ શરૂ કરી દીધી છે.

તાજેતરમાં જ ઓક્ટોબરના અંતમાં પણ પીએમ મોદી બે દિવસ માટે ગુજરાત આવ્યા હતા. હવે ફરી આગમનને લઈને વહીવટી તંત્ર અને સુરક્ષા એજન્સીઓએ તૈયારીઓ શરૂ કરી દીધી છે. અંબાજી ખાતે સ્થાનિક સ્તરે તમામ વ્યવસ્થાઓને અંતિમ સ્વરૂપ આપવામાં આવી રહ્યું છે. પોલીસ અને સુરક્ષા દળોએ ચુસ્ત બંદોબસ્ત માટે કાર્યવાહી આરંભી દીધી છે.

ત્રણ વર્ષ પહેલાં પણ પ્રધાનમંત્રી અંબાજી માતાના દર્શને આવ્યા હતા. આ વખતે પણ માતાજીના ચરણમાં શીશ નમાવવાનું મુખ્ય કાર્યક્રમ રહેશે. દર્શન સિવાય બીજા કેટલાક કાર્યક્રમોમાં પણ ભાગ લેવાની શક્યતા છે. આ પ્રવાસને ધાર્મિક અને રાજકીય બંને દૃષ્ટિએ મહત્વનું માનવામાં આવી રહ્યો છે.