નેશનલ / મધર ડેરીએ વધાર્યા દૂધના ભાવ, હવે સામાન્ય જનતાના ખિસ્સા પર વધશે બોજ!

મધર ડેરીએ દૂધના ભાવમાં ફરી વધારો કર્યો છે. છેલ્લા 6 મહિનામાં આ બીજી વાર છે જ્યારે કંપનીએ દૂધ મોંઘું કર્યું છે. નવા ભાવ ગુરુવાર એટલે કે 12 નવેમ્બરથી લાગુ થશે. દિલ્હી-એનસીઆરમાં દૂધની સૌથી મોટી સપ્લાયર મધર ડેરીએ ૨થી 4 રૂપિયા પ્રતિ લિટરનો વધારો કર્યો છે.

કંપનીના પ્રવક્તાએ આ અંગે કોઈ ટિપ્પણી કરવાનું ટાળ્યું છે. સૂત્રો અનુસાર ખેડૂતો પાસેથી દૂધ ખરીદવાની કિંમત વધી ગઈ છે, તેથી વધેલા ખર્ચનો થોડો ભાગ ગ્રાહકો પર નાખવો પડ્યો છે. મધર ડેરી પોતાની કમાણીનો 75-80 ટકા ભાગ ખેડૂતોને આપે છે. કંપની દિલ્હી-એનસીઆરમાં રોજ આશરે 35 લાખ લિટર અને કુલ 50 લાખ લિટરથી વધુ દૂધ વેચે છે.

નવા ભાવ આ પ્રમાણે છે

1. ટોન્ડ દૂધ (ખુલ્લું/બલ્ક): 58 થી વધીને 60 રૂપિયા પ્રતિ લિટર
2. ફુલ ક્રીમ દૂધ (પેકેટ): 72થી 76 રૂપિયા
3. ટોન્ડ દૂધ (પેકેટ): 60થી 62 રૂપિયા
4. ડબલ ટોન્ડ દૂધ: 54થી 56 રૂપિયા
5. ગાયનું દૂધ: 62થી 65 રૂપિયા પ્રતિ લિટર

દૂધના ભાવમાં થયેલા આ વધારા પાછળનું મુખ્ય કારણ ખેડૂતો પાસેથી દૂધ ખરીદવાની વધેલી કિંમત હોવાનું સામે આવ્યું છે. કંપનીને દૂધની ખરીદી માટે હવે વધારે ખર્ચ કરવો પડી રહ્યો છે. આ વધારેલા ખર્ચનો કેટલોક હિસ્સો ગ્રાહકો સુધી પહોંચાડવાનો નિર્ણય લેવામાં આવ્યો છે. મધર ડેરી તેના દૂધના વેચાણમાંથી થતી આવકનો આશરે 75થી 80 ટકા હિસ્સો ખેડૂતોને આપે છે. તેથી ખરીદીના ખર્ચમાં વધારો થતાં કંપનીએ ગ્રાહક ભાવમાં પણ ફેરફાર કર્યો છે.

વધુ વાંચો : આસામના ગુવાહાટીમાં ટ્રેનના એન્જિન સહિત 7 ડબ્બા પાટા પરથી ઉતર્યા, અનેક મુસાફરો ઈજાગ્રસ્ત!

મધર ડેરીની શરૂઆત વર્ષ 1974માં થઈ હતી. આ કંપની નેશનલ ડેરી ડેવલપમેન્ટ બોર્ડ ની સંપૂર્ણ માલિકીની પેટાકંપની છે. દૂધ અને દૂધની બનાવટો સિવાય કંપની ધારા બ્રાન્ડ હેઠળ એડીબલ ઓઈલ અને સફલ બ્રાન્ડ હેઠળ ફળો તથા શાકભાજી સહિતની વસ્તુઓનું વેચાણ પણ કરે છે.

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ