ન્યાયિક / પ્રેમિકાને ન્યૂડ વીડિયો-ફોટા મોકલનારને HCએ કરી સાવ નોખી સજા, દંડ-જેલ નહીં, જાણીને કહેશો ઓહ આવી

• ઉત્તરાખંડ હાઈકોર્ટે યૌન શૌષણને આરોપીને ફટકારી નોખી સજા
• આરોપીને કહ્યું 50 વૃક્ષો વાવવા પડશે
• તો જ યૌન શૌષણનો ફોજદારી કેસ રદ થશે 

ઉત્તરાખંડ હાઈકોર્ટે યૌન શૌષણના એક આરોપીને જેલ કે દંડની સજા નહીં પરંતુ સાવ નોખા પ્રકારની સજા કરી છે જે ચર્ચાનો વિષય બની છે. ફેસબુક પ્રેમિકાને ન્યૂડ ફોટા અને વીડિયો મોકલનાર આરોપીને હાઈકોર્ટે કહ્યું કે યૌન શૌષણનો ફોજદારી કેસ રદ કરાવવો હશે તો 50 વૃક્ષો વાવવા પડશે. આદેશ પસાર કરતા, ઉત્તરાખંડ હાઈકોર્ટે કહ્યું, અરજદારે બાંયધરી આપવી પડશે કે તે ભવિષ્યમાં આવા કોઈ કામમાં નહીં પડે અને તેણે મૈત્રીપૂર્ણ સંબંધોની પવિત્રતાને કેવી રીતે સ્વીકારવી તે અંગે વિચારવું જોઈએ. 

આરોપીએ યુવતી સાથે શું કર્યું હતું 
આરોપીએ એક મહિલા સાથે ફેસબુક પર મિત્રતા કરી હતી. જેમ જેમ તેમની મિત્રતા ગાઢ બનતી ગઈ તેમ તેમ આરોપીએ તેની સાથે વધારે છૂટ લેવા માંડી હતી અને એક દિવસે તેણે યુવતીને ન્યૂડ વીડિયો અને ફોટા મોકલ્યાં હતા. આ ઘટનાથી છોકરી આઘાત પામી અને તેણે હાઈકોર્ટમાં કેસ કરી દીધો હતો અને તેની સામે ફોજદારી કેસ દાખલ કરાવ્યો હતો.  અરજદાર, ફોજદારી કાર્યવાહીની શરૂઆતથી નારાજ થઈને, સમગ્ર ફોજદારી પ્રક્રિયાને રોકવાના ઉદ્દેશ્ય સાથે, ફોજદારી કાર્યવાહી સંહિતાની કલમ 482 હેઠળ હાઈકોર્ટનો સંપર્ક કર્યો. રદ કરવા માટેની અરજી દાખલ કર્યા પછી, એક વચગાળાની અરજી સબમિટ કરવામાં આવી હતી. આ કેસમાં બાદમાં આરોપીએ માફી લીધી હતી અને પીડિતાએ માફી આપી પણ દીધી હતી. 

50 વૃક્ષો વાવો પછી છોડી મૂકાશે- હાઈકોર્ટનો આદેશ 
કોર્ટે તાજેતરનો આદેશ આપતા પહેલા આરોપીને બાગાયત વિભાગની મદદથી એક મહિનાના ગાળામાં 50 વૃક્ષો વાવવાનો નિર્દેશ આપ્યો હતો. "બાગાયત વિભાગના સક્ષમ અધિકારી દ્વારા જારી કરવામાં આવતા પચાસ વૃક્ષોના વાવેતરના પ્રમાણપત્રની રજૂઆત પછી જ, જે સક્ષમ અદાલત ફોજદારી કાર્યવાહી બંધ કરી દેશે જે પછી તેને છોડી દેવામાં આવશે.