બ્રેકિંગ ન્યુઝ
બ્રેકિંગ ન્યુઝ
5 ફોટો ગેલેરી
Last Updated: 12:25 PM, 22 June 2026
FOLLOW ON
શેર કરો
1/5
ખેડૂતો ખેતર ખેડીને વાવણી માટે રહેજો તૈયાર! કારણ કે આગામી અઠવાડિયામાં ગુજરાતમાં ચોમાસાની ધમાકેદાર એન્ટ્રી થવાની શક્યતા વ્યક્ત કરવામાં આવી છે. ખાનગી હવામાન એજન્સી સ્કાયમેટે રાજ્ય માટે મહત્વપૂર્ણ આગાહી જાહેર કરી છે. આ આગાહી મુજબ આગામી 27 જૂનથી ગુજરાતમાં ચોમાસાનો માહોલ જામી શકે છે અને અનેક વિસ્તારોમાં વરસાદી પ્રવૃત્તિઓમાં નોંધપાત્ર વધારો થઈ શકે છે
આ તસવીર શેર કરો
2/5
સ્કાયમેટના અનુમાન અનુસાર ચોમાસા પહેલાં પ્રિ-મોન્સુન એક્ટિવિટીના કારણે રાજ્યના વિવિધ વિસ્તારોમાં વરસાદી ઝાપટાં જોવા મળી શકે છે. છેલ્લા કેટલાક દિવસોથી હવામાનમાં બદલાવ જોવા મળી રહ્યો છે અને વાદળછાયું વાતાવરણ પણ સર્જાઈ રહ્યું છે. આ પરિસ્થિતિ આગામી દિવસોમાં વધુ મજબૂત બનવાની સંભાવના છે, જેના કારણે ખેડૂતો માટે વાવણીની અનુકૂળ સ્થિતિ સર્જાઈ શકે છે.
આ તસવીર શેર કરો
3/5
હવામાન નિષ્ણાતોના જણાવ્યા મુજબ દરિયાકાંઠાના વિસ્તારોમાં ગાજવીજ સાથે વરસાદ પડવાની સંભાવના વધુ છે. ખાસ કરીને દક્ષિણ ગુજરાત અને દરિયાકાંઠાના જિલ્લાઓમાં વરસાદી માહોલ વધુ સક્રિય રહી શકે છે. કેટલાક વિસ્તારોમાં ભારે વરસાદ પણ નોંધાઈ શકે છે. ગાજવીજ અને પવન સાથે વરસાદ પડવાની શક્યતા હોવાથી સ્થાનિક તંત્ર પણ સતર્ક બન્યું છે.
આ તસવીર શેર કરો
4/5
આ દરમિયાન ચોમાસાની ગતિ પણ સતત આગળ વધી રહી છે. મહારાષ્ટ્રના દરિયાકાંઠાના વિસ્તારોમાં આગામી બે દિવસમાં ચોમાસું પહોંચી જવાની સંભાવના વ્યક્ત કરવામાં આવી છે. હવામાન વિભાગ અને ખાનગી એજન્સીઓના અનુમાન મુજબ ચોમાસું હાલમાં મુંબઈ તરફ આગળ વધી રહ્યું છે અને તેની ગતિ અનુકૂળ રહે તો આગામી પાંચ દિવસમાં ગુજરાતની સરહદ સુધી પહોંચી શકે છે.
આ તસવીર શેર કરો
5/5
રાજ્યના ખેડૂતો માટે આ સમાચાર અત્યંત મહત્વના માનવામાં આવી રહ્યા છે. લાંબા સમયથી વરસાદની રાહ જોઈ રહેલા ખેડૂતો હવે ખેતરો તૈયાર કરવામાં વ્યસ્ત બન્યા છે. જો આગાહી મુજબ વરસાદ થાય તો વાવણી માટે અનુકૂળ માહોલ સર્જાશે અને કૃષિ ક્ષેત્રને મોટો ફાયદો થશે. આગામી 27 જૂનથી રાજ્યમાં ચોમાસાનો માહોલ જામવાની શક્યતા વચ્ચે ખેડૂતોને વાવણી માટે તૈયાર રહેવાની સલાહ આપવામાં આવી રહી છે. હાલ સમગ્ર રાજ્યની નજર વરસાદ અને ચોમાસાની સત્તાવાર એન્ટ્રી પર ટકેલી છે.
આ તસવીર શેર કરો
સંકળાયેલા મુદ્દાઓ
સબસ્ક્રાઇબ કરો
દરરોજ નવા સમાચાર મેળવવા માટે VTVGujaratiને સબસ્ક્રાઈબ કરો.
જોવા જેવું
ટોપ સ્ટોરીઝ
