PF ધારકો એલર્ટ / આ દિવસથી ચાલુ થશે EPFOનું પોર્ટલ, એક અઠવાડિયાથી બંધ હતું, યૂઝર્સને પડી ખૂબ તકલીફ

26 જુન 2026થી બંધ પડેલી EPFOની સાઈટ ફરી શરુ થવા જઈ રહી છે. 2 જુલાઈથી સાઈટ સત્તાવાર રીતે શરુ થઈ જશે અને યૂઝર્સ પીએફ સંબંધિત તમામ કામ પહેલાની જેમ કરી શકશે. કર્મચારી ભવિષ્ય નિધિ સંગઠને (EPFO) મોટા ટેકનિકલ અપગ્રેડને કારણે ઓનલાઈન સર્વિસ બંધ કરી દીધી હતી.

આ સેવાઓ કામ કરી રહી નથી

EPFOનું પોર્ટલ બંધ થવાને કારણે કર્મચારીઓ અને કંપનીઓ દ્વારા ઉપયોગમાં લેવાતી ઘણી સેવાઓ અસ્થાયી રૂપે ખોરવાઈ ગઈ હતી. EPF સભ્યો હાલમાં નવી PF ઉપાડ અરજીઓ જમા કરાવી શકતા નહોતા, તેમજ હાલની અરજીઓની સ્થિતિ ચકાસી શકતા નહોતા તેમજ ઈ-પાસબુક પણ ડાઉનલોડ કરી શકતા નહોતા.

વધુ વાંચો : ઊંઘની ગોળીઓ છોડો, રાત્રે ટ્રાય કરો આ દેશી નુસખો, મિનિટોમાં આવશે ઘસઘસાટ ઊંઘ

ઉમંગ એપ સેવા પણ ડાઉન 

સરકારની યુનિફાઇડ મોબાઇલ એપ્લિકેશન ફોર ન્યૂ-એજ ગવર્નન્સ (UMANG) દ્વારા પૂરી પાડવામાં આવતી EPFO ​​સેવાઓને પણ અસર થઈ હતી. યૂઝર્સ એપ પર ઘણી સુવિધાઓ ઓપન કરી શકતા નહોતા જેમાં જેમાં PF બેલેન્સ તપાસવું, દાવા કરવા, યોજના પ્રમાણપત્રો માટે અરજી કરવી, ફરિયાદો દાખલ કરવી, EPFO ​​ઓફિસો શોધવી, UAN જનરેટ કરવું, આધારને UAN સાથે લિંક કરવો, દાવાની સ્થિતિ ટ્રેક કરવી અને જીવન પ્રમાણપત્રો સબમિટ સામેલ કરવા જેવી સેવાઓ હતી.

પોર્ટલ કેમ બંધ છે? 

EPFO ​​3.0 લોન્ચ કરવાની તૈયારીઓ કરી રહી છે આ જ કારણે EPFO ​​પોર્ટલ બંધ કરવામાં આવ્યું છે.એકવાર લોન્ચ થયા પછી, EPF સભ્યો UPI અને ATM દ્વારા પીએફ ઉપાડી શકશે.

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ