અમદાવાદ / પાર્કિગની સમસ્યાનો આવશે ઉકેલ, આ 14 ઓવરબ્રિજ નીચે મનપા બનાવશે પે એન્ડ પાર્ક

• શહેરમાં વધતી જતી પાર્કિગની સમસ્યાને મનપાએ શોધ્યો ઉકેલ
• અમદાવાદમાં 14 14 બ્રિજ નીચે બનશે પે એન્ડ પાર્કની સગવડ
• મનપાએ કેટલીક શરતો રાખી બહાર પાડ્યા ટેન્ડર

નોંધનીય છે કે, અમદાવાદ મ્યુનિસિપલ કોર્પોરેશન દ્વારા પાર્કિગ માટેના ચાર્જ પણ નક્કી કરી લેવામાં આવ્યા છે. જેમાં શરૂઆતની બે કલાક માટે ટૂ વ્હીલરના 5, ફોર વ્હીલરના 15, મધ્યમ માલવાહક વાહન માટે 50 અને ભારે માલવાહક વાહન માટે 75 રૂપિયા ચાર્જ નક્કી કરવામાં આવેલ છે. 14 બ્રિજ નીચે કુલ 6,484 ટૂ વ્હીલર અને 763 ફોર વ્હીલર પાર્ક કરવાની વ્યવસ્થા કરવામાં આવશે. 

મનપા દ્વારા પે એન્ડ પાર્ક માટે ટેન્ડર બહાર પડાયા 

આપને જણાવી દઇએ કે, અમદાવાદ મનપા દ્વારા શહેરના 14 બ્રિજની નીચે રેવન્યુ શેરિંગ બેઝીઝના ધોરણે પે એન્ડ પાર્ક માટે ટેન્ડર બહાર પાડવાની કામગીરી હાથ ધરવામાં આવી છે. જેમાં કેટલીક શરતો પણ નક્કી કરવામાં આવેલી છે. 

ટેન્ડરમાં નક્કી કરાઇ શરતો 

ટેન્ડરમાં રાખવામાં આવેલી શરતો પ્રમાણે પાર્કિંગની જગ્યા પર રાખવામાં આવતા કર્મચારીને ઓળખપત્ર આપવાનું રહેશે. પાર્કિંગની કુલ જગ્યામાંથી 40 ટકા જગ્યા પાર્કિંગ પરમીટ માટે ફાળવવાની રહેશે. તે જગ્યામાં પ્રવર્તમાન દરના 12 કલાકના લેખે પાર્કિંગ પરમીટ આપવાની રહેશે. 

અમદાવાદના આ 14 ઓવરબ્રિજ નીચે બનશે પે એન્ડ પાર્કની સગવડ