પંચમહાલ / પાવાગઢના માઈભક્તો માટે મહત્વના સમાચાર: આજથી 6 દિવસ સુધી રોપ-વે સેવા બંધ, આ તારીખથી ફરી શરૂ થશે

પાવાગઢ મહાકાળી માતાના દર્શન માટે જતાં શ્રદ્ધાળુઓ માટે મહત્વના સમાચાર સામે આવ્યા છે. પાવાગઢ ખાતે ચાલતી રોપવે સેવા આજથી લઈને 8 ઓગસ્ટ સુધી બંધ રાખવાનો નિર્ણય લેવામાં આવ્યો છે.

પાંચ દિવસ માટે સેવા સ્થગિત કરવામાં આવી

મળતી માહિતી મુજબ, રોપવે પર નિયમિત મેન્ટેનન્સ અને તકનીકી કામગીરી હાથ ધરવામાં આવનાર હોવાથી પાંચ દિવસ માટે સેવા સ્થગિત કરવામાં આવી છે. યાત્રાળુઓની સુરક્ષા અને રોપવેના સુચારુ સંચાલનને ધ્યાનમાં રાખીને આ નિર્ણય લેવામાં આવ્યો હોવાનું તંત્રએ જણાવ્યું છે.

પગથિયાં અથવા અન્ય ઉપલબ્ધ વૈકલ્પિક વ્યવસ્થાનો ઉપયોગ

આ સમયગાળા દરમિયાન પાવાગઢ પહોંચતા ભક્તોએ મંદિર સુધી પહોંચવા માટે પગથિયાં અથવા અન્ય ઉપલબ્ધ વૈકલ્પિક વ્યવસ્થાનો ઉપયોગ કરવો પડશે.

આ પણ વાંચોઃ કોમનવેલ્થ ગેમ્સ 2026ની ક્લોઝિંગ સેરેમનીમાં ભારતીય સંસ્કૃતિનો જાદુ: સ્કોટલેન્ડમાં ગુંજ્યું 'શિવ તાંડવ' અને 'વંદે માતરમ્'

8 ઓગસ્ટથી રોપવે સેવા ફરીથી નિયમિત રીતે શરૂ કરવામાં આવશે

તંત્રએ વધુમાં જણાવ્યું છે કે મેન્ટેનન્સની કામગીરી પૂર્ણ થયા બાદ 8 ઓગસ્ટથી રોપવે સેવા ફરીથી નિયમિત રીતે શરૂ કરવામાં આવશે. પાવાગઢ દર્શન માટે આયોજન કરી રહેલા યાત્રાળુઓને મુસાફરી પહેલાં આ સૂચનાને ધ્યાનમાં રાખવા અપીલ કરવામાં આવી છે.

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ