કૂટનીતિ / 'ફેંકવા'માં પાક.નો જોડો ન જડે, મહિલા મિનિસ્ટરે ભારતને આંખ દેખાડી, આપી અણુયુદ્ધની ધમકી

• પાકિસ્તાનને યુદ્ધનો લવારો ઉપડ્યો
• મહિલા મંત્રી શાઝિયા મર્રીએ અણુ યુદ્ધની આપી ધમકી
• કહ્યું અમારા પરમાણુ હથિયાર મૌન માટે નથી રખાયા

'ગુજરાતના કસાઈ'વાળા વિવાદાસ્પદ નિવેદન બાદ હવે પાકિસ્તાનના મહિલા મંત્રી શાઝિયા મર્રીએ ભારતને પરમાણુ બોમ્બની ધમકી આપી છે. તેમણે કહ્યું છે કે અમારુ પરમાણુ સ્ટેટસ મૌન માટે  નથી. ભારત વિરૃદ્ધ ઝેર ઓકનાર બિલાવલ ભુટ્ટોના સમર્થનમાં પ્રેસ કોન્ફરન્સ દરમિયાન મહિલા મંત્રી મર્રીએ કહ્યું કે અમે ભારત વિરુદ્ધ ફરિયાદ નથી કરી રહ્યા, પરંતુ અમે ભારતની વર્તમાન નરેન્દ્ર મોદી સરકાર વિરુદ્ધ ફરિયાદ કરી રહ્યા છીએ. "જો તમે વારંવાર પાકિસ્તાન પર આરોપો લગાવતા રહેશો અને પાકિસ્તાન ચૂપચાપ સાંભળતું રહેશે, તો તે થવાનું નથી. શાઝિયાએ જણાવ્યું હતું કે, "સારા થાઓ, તમે બિલાવલ ભુટ્ટોના પૂતળાં બાળવાની ધમકી આપી રહ્યા છો, જ્યારે ભારતમાં તમારા પોતાના પૂતળા દહન કરાઈ રહ્યા છે.

Pak minister Shazia Marri threatens India with "nuclear war"

Read @ANI Story | https://t.co/HADDktw84P#ShaziaMarri #Nuclearwar #Pakistan #India pic.twitter.com/oZNDyL51XT

— ANI Digital (@ani_digital) December 17, 2022

લડશો તો આપીશું જવાબ
શાઝિયા મર્રીએ કહ્યું કે જો મોદી સરકારે અમારી સામે લડશે તો અમે પણ જોરદાર જવાબ આપીશું. પાકિસ્તાનને પણ જવાબ આપતા આવડે છે. ઉલ્લેખનીય છે કે પાક.મંત્રી બિલાવલ ભુટ્ટોએ પીએમ મોદીને ગુજરાતના કસાઈ ગણાવ્યાં હતા. 

બિલાવલ ભુટ્ટોએ શું કહ્યું?
પાકિસ્તાનના વિદેશ મંત્રી બિલાવલ ભુટ્ટોએ તાજેતરમાં જ વડાપ્રધાન નરેન્દ્ર મોદી વિશે વિવાદાસ્પદ નિવેદન આપ્યું હતું જેમાં તેમણે તેમને ગુજરાતના કસાઈ ગણાવ્યા હતા. બિલાવલ ભુટ્ટોએ અમેરિકામાં સંયુક્ત રાષ્ટ્ર સુરક્ષા પરિષદના સત્ર દરમિયાન પત્રકાર પરિષદમાં ભારત સરકારને મહાત્મા ગાંધીના બદલે હિટલરથી પ્રભાવિત ગણાવી હતી. બિલાવલે પીએમ મોદીને ગુજરાતના કસાઈ ગણાવ્યા હતા.