આતંકવાદીઓનું મસીહા / હાફિઝ સઈદને અમને સોંપી દો...:ભારતે કરી માંગ, તો પાકિસ્તાને કર્યો ઈનકાર, જુઓ શું કારણ આપ્યું

• પાકિસ્તાન ફરી બન્યું આતંકવાદીઓનું મસીહા
• ભારતે પાકિસ્તાન પાસે હાફિઝ સઈદના પ્રત્યાર્પણની માંગ કરી 
• પાકિસ્તાન હાફિઝ સઈદને ભારતને નહીં સોંપે

ભારતે પાકિસ્તાનને 2008ના મુંબઈ આતંકવાદી હુમલાના માસ્ટરમાઇન્ડ હાફિઝ સઈદના પ્રત્યાર્પણ માટે વિનંતી કરી છે. ભારતે પ્રથમ વખત આ અંગે નિવેદન આપ્યું છે. ભારત હાફિઝને પાકિસ્તાનથી લાવીને તેની સામે કેસ ચલાવવા માંગે છે. પાકિસ્તાને ભારતની વિનંતીનો જવાબ આપ્યો નથી. આ દરમિયાન પાકિસ્તાનના વિદેશ મંત્રાલયના પ્રવક્તા તરફથી એક નિવેદન આવ્યું છે. આ નિવેદન પરથી એવું લાગતું નથી કે આતંકવાદીઓને રક્ષણ આપતો દેશ પાકિસ્તાન આટલી સરળતાથી હાફિઝ સઈદને ભારતને સોંપશે. પાકિસ્તાની પત્રકાર ઈજાઝ સૈયદે એક ટ્વીટમાં કહ્યું કે, પાકિસ્તાને હાફિઝ સઈદના પ્રત્યાર્પણનો ટેકનિકલી ઈન્કાર કરી દીધો છે. તેમણે લખ્યું કે આ સંદર્ભમાં વિદેશ કાર્યાલયના પ્રવક્તા મુમતાઝ ઝહરા બલોચે કહ્યું, 'પાકિસ્તાનને ભારતીય અધિકારીઓ તરફથી વિનંતી મળી છે, જેમાં કહેવાતા મની લોન્ડરિંગ કેસમાં હાફિઝ સઈદના પ્રત્યાર્પણની માંગ કરવામાં આવી છે. એ નોંધવું મહત્વપૂર્ણ છે કે ભારત અને પાકિસ્તાન વચ્ચે કોઈ દ્વિપક્ષીય પ્રત્યાર્પણ સંધિ અસ્તિત્વમાં નથી.

પાકિસ્તાને જવાબ આપ્યો ન હતો

NIAએ આતંકવાદી સંગઠન લશ્કર-એ-તૈયબાના સંસ્થાપક હાફિઝ સઈદ વિરુદ્ધ અનેક કેસ નોંધ્યા છે. ભારત અને યુએનએ તેને આતંકવાદી જાહેર કર્યો છે. ભારતે પાકિસ્તાનને કહ્યું છે કે હાફિઝ સઈદની અનેક મામલામાં પૂછપરછ કરવાની છે, તેથી તેને સોંપવામાં આવે. હાફિઝ સઈદ વિરુદ્ધ કાશ્મીરમાં આતંકવાદી ફંડિંગનો કેસ પણ ચાલી રહ્યો છે. પાકિસ્તાને સત્તાવાર રીતે ભારતને જવાબ આપ્યો નથી. પરંતુ મુમતાઝ બલોચનું નિવેદન દર્શાવે છે કે પાકિસ્તાન ફરી આતંકવાદીને બચાવવા માટે ઉભું થયું છે.

વાંચવા જેવું : પાકિસ્તાન ફરી યુદ્ધની તૈયારીમાં? ભારતીય સીમાથી 20 કિમી દૂર કર્યું એરફીલ્ડ તૈનાત, સામે આવી ચોંકાવનારી તસવીર

ભારતે શું કહ્યું?

ભારતના વિદેશ મંત્રાલયના પ્રવક્તા અરિંદમ બાગચીએ કહ્યું, 'આ વિનંતી થોડા અઠવાડિયા પહેલા ઈસ્લામાબાદમાં ભારતીય હાઈ કમિશન દ્વારા કરવામાં આવી હતી. ભારત અને પાકિસ્તાન વચ્ચે કોઈ પ્રત્યાર્પણ સંધિ ન હોવા છતાં આ વિનંતી કરવામાં આવી હતી. પાકિસ્તાનને તમામ જરૂરી દસ્તાવેજો આપવામાં આવ્યા છે. હાફિઝના પુત્રના ચૂંટણી લડવા અંગે બાગચીએ કહ્યું હતું કે પાકિસ્તાનમાં આતંકવાદીઓનું મુખ્ય પ્રવાહમાં આવવું કોઈ નવી વાત નથી. આવી ઘટનાઓ પ્રાદેશિક સુરક્ષાને અસર કરે છે.

વાંચવા જેવું : 'મુસ્લિમ દેશ ફેલ, હવે PM મોદી જ....', ઈઝરાયલ-ગાઝા સંઘર્ષ વચ્ચે જામા મસ્જિદના ઇમામનું મોટું નિવેદન