હુમલાની ખબર હતી / VIDEO : પહેલગામ નરસંહાર ! અમદાવાદના ઋષિ ભટ્ટને રોપવે રાઈડ પર ધકેલીને ઓપરેટેરે કર્યું ખૌફનાક કામ, પછી તરત ફાયરિંગ

પહેલગામની બૈસરન ખીણમાં આતંકીઓ જ્યારે પ્રવાસીઓ પર ગોળીઓ વરસાવી રહ્યાં હતા બરાબર ત્યારે ઉપર અમદાવાદના ઋષિ ભટ્ટ નામના શખ્સ ઝિપલાઈન રાઈડની (બે પહાડો વચ્ચે સરકતા પટ્ટાની રાઈડ) મજા માણી રહ્યાં હતા પરંતુ હવે આ ઝિપલાઈન ચલાવનાર વિશે કેટલીક વિસ્ફોટક જાણકારી સામે આવી છે.

કોણ છે ઝિપલાઈન ઓપરેટર

ઋષિ ભટ્ટને ઝિપલાઈન રાઈડ કરાવનાર ઓપરેટર કાશ્મીરનો સ્થાનિક યુવાન છે પરંતુ હુમલામાં તેની સંદિગ્ધ ભૂમિકા સામે આવી છે. મીડિયા રિપોર્ટ અનુસાર મલા વખતે ઋષિ જ્યારે ઝિપલાઈન પર હતો ત્યારે નીચે ફાયરિંગ થઈ રહ્યું હતું અને ઝિપલાઈન ઓપરેટેરે ઋષિને સલામત સ્થળે જવાનું કહેવાને બદલે ઝિપલાઈન રાઈડ પર ધકેલ દીધો હતો અને પછી 3 વાર અલ્લાહ હૂ અકબર બોલીને ચૂપચાપ ઊભો રહ્યો હતો જાણે તેને હુમલાની ખબર હોય તેવું વર્તન કર્યું હતું, સવાલ એ છે કે રાઈડ ઓપરેટરે હુમલાની વચ્ચે ઝિપલાઈન રાઈડ પર કેમ ધકેલ્યો, શું તેને હુમલાની ખબર હતી.

હુમલા પર ઋષિએ શું કહ્યું

હુમલા પર બોલતાં ઋષિએ કહ્યું કે આતંકવાદીઓએ સૌથી પહેલા લોકોને તેમના ધર્મ વિશે પૂછ્યું અને ગોળી મારી હતી અને તે પોતે માંડ બચી ગયો. હુમલા સમયે હું છ ફૂટના અંતરે હતો અને મારી સામે બે લોકોને તેમનો ધર્મ પૂછ્યો અને પછી ગોળી મારી દીધી હતી. 'નીચે કેવી રીતે ગોળીબાર થઈ રહ્યો હતો તેના વિશે મને 20 સેકન્ડ પછી ખબર પડી કે આ આતંકવાદી હુમલા છે. પાંચ આતંકવાદીઓ આર્મી યુનિફોર્મમાં હતા, તેમના ચહેરા ઢંકાયેલા હતા અને તેઓ લોકોને ધર્મ પૂછી પૂછીને ગોળી મારતાં રહ્યાં હતા.

હુમલામાં 26 પ્રવાસીઓની હત્યા

ઉલ્લેખનીય છે કે 22 એપ્રિલે જમ્મુ કાશ્મીરના પહેલગામના બૈસરન ખીણ એરિયામાં આતંકવાદીઓએ 26 પ્રવાસીઓની અત્યંત ઘાતકી હત્યા કરી નાખી હતી. સેનાની વર્દીમાં આવેલા 5 આતંકીઓએ ખીણને લોહીલુહાણ કરી નાખી હતી.

બધા જ સમાચાર અને અપડેટ્સ મેળવવા માટે પ્લે સ્ટોર/ એપ સ્ટોર પર જઈને અથવા આ લાઈન પર ક્લિક કરીને ડાઉનલોડ કરો અમારી લેટેસ્ટ એપ