ક્રાઈમ / ક્યારેક વાહનોમાં તોડફોડ તો ક્યારેક મારામારી! હવે સુરેન્દ્રનગરમાં ફાયરિંગની ઘટના સામે આવી, એકનું મોત

સુરેન્દ્રનગરમાં કથળતી જતી કાયદો વ્યવસ્થાને લઈ અનેક સવાલો ઉભા થઈ રહ્યા છે. ત્યારે ગત રોજ સુરેન્દ્રનગર જીલ્લાની હદમાં ગત રોજ બુટલેગર દ્વારા પીએસઆઈ પર ગાડી ચડાવી દેતા પીએસઆઈનું મોત નિપજ્યું હતું. જે બાદ પોલીસ દ્વારા આરોપી બુટલેગરની પકડવાનાં ચક્રોગતિમાન કર્યા છે. ત્યારે રાત્રીનાં સુમારે સુરેન્દ્રનગરમાં કેટલાક અસામાજીક તત્વો દ્વારા પાન પાર્લરનાં માલિક પર ફાયરીંગ કરી કરી ફરાર થઈ ગયા હતા. પોલીસ દ્વારા સમગ્ર મામલે ગુનો નોંધી આરોપીઓને પકડવાની તજવીજ હાથ ધરી છે.

ઇજાગ્રસ્તનુ સારવાર દરમિયાન મોત નિપજ્યું

સુરેન્દ્રનગરનાં જોરાવનગરમાં ગત રોજ રાત્રીનાં સુમારે કેટલાક અસામાજીક તત્વો દ્વારા પાન પાર્લરનાં માલિક જીતુભાઈ પર ફાયરીંગ કરી ફરાર થઈ ગયા હતા. જે બાદ જીતુભાઈને તાત્કાલીક સારવાર અર્થે હોસ્પિટલ ખસેડવામાં આવ્યા હતા. જ્યાં તેઓનું સારવાર દરમ્યાન મોત નિપજ્યું હતું. જીતુભાઈનું મોત નિપજતા પરિવારજનો તેમજ મિત્ર વર્તુળમાં શોક છવાઈ જવા પામ્યો હતો.

વધુ વાંચોઃ CM ભૂપેન્દ્ર પટેલની અધ્યક્ષતામાં આજે કેબિનેટ બેઠક, ટેકાના ભાવ સહિત આ મુદ્દા પર થશે સમીક્ષા

બનાવની ગંભીરતા જોતા સુરેન્દ્રનગર પોલીસ દ્વારા સમગ્ર મામલે ફરિયાદીની ફરિયાદનાં આધારે ગુનો નોંધી શખ્સોને શોધવાની તજવીજ હાથ ધરી છે. તેમજ પોલીસ દ્વારા આજુબાજુની દુકાનોમાં સીસીટીવી લગાવેલ છે કે નહી તેની તપાસ હાથ ધરી છે.

બધા જ સમાચાર અને અપડેટ્સ મેળવવા માટે પ્લે સ્ટોર/ એપ સ્ટોર પર જઈને અથવા આ લાઈન પર ક્લિક કરીને ડાઉનલોડ કરો અમારી લેટેસ્ટ એપ