ગુપ્ત નવરાત્રી / ચાલી રહી છે પવિત્ર ગુપ્ત નવરાત્રી, 18 ફેબ્રુઆરી સુધી ભૂલથી પણ ના કરતાં આ 5 કામ

• ગુપ્ત નવરાત્રીમાં તંત્ર સાધના કરવામાં આવે છે
• ગુપ્ત નવરાત્રી આત્મા અને શરીર શુદ્ધિનું પર્વ છે
• તમારો વધુ પડતો સમય માતાજીની પૂજામાં લગાડો

ગુપ્ત નવરાત્રી પર દેવી દુર્ગાની શક્તિ રૂપે પૂજા કરવામાં આવે છે. માઘ મહિનામાં ગુપ્ત નવરાત્રી આવે છે. આ વર્ષે ગુપ્ત નવરાત્રી 10 ફેબ્રુઆરીથી શરુ થવાની છે. જે 18 ફેબ્રુઆરી સુધી રહેશે. ગુપ્ત નવરાત્રીનાં આ દિવસોમાં કેટલાક કામ કરવાની મનાઈ હોય છે. આ કાર્યો કરવામાં આવે તો દેવી દુર્ગા ગુસ્સે થઇ જાય છે. જેનાં કારણે તમારા જીવનમાં સમસ્યાઓ સર્જાઈ શકે છે. જાણો આ કામ ક્યાં-ક્યાં છે. 

તંત્ર સાધના 
ગુપ્ત નવરાત્રીમાં તંત્ર સાધના કરવામાં આવે છે. તેના માટે કેટલાક કડક નિયમોનું પાલન કરવામાં આવે છે. ગૃહસ્થ લોકો તંત્ર પૂજામાં ન જોડાય અને જો જોડાય તો તેના નિયમોનું પાલન કરે. નહીંતર લાભની જગ્યાએ નુકસાન થશે. 

બ્રહ્મચર્ય
ગુપ્ત નવરાત્રી આત્મા અને શરીર શુદ્ધિનું પર્વ છે. તેમાં પવિત્રતાનું વિશેષ ધ્યાન રાખવામાં આવે છે. આ સાથે બ્રહ્મચર્યનું પાચન પણ કરવાનું હોય છે. 

તામસિક વસ્તુઓ
ગુપ્ત નવરાત્રી સમયે લસણ અને ડુંગળી, નોનવેજ, દારૂ વગેરે તામસિક વસ્તુઓનું સેવન ન કરવું જોઈએ. કારણકે તેનાથી રાહુ-કેતુ અશુભ ફળ આપે છે. 

વાંચવા જેવું: કયા રંગનો રૂમાલ અપાવે છે સફળતા? તમારી રાશિ અનુસાર જાણો તમારો લકી કલર

દોષ 
ગુપ્ત નવરાત્રી સમયે નખ અને વાળ ન કાપવા જોઈએ. તેનાથી દોષ લાગે છે. જેનાં કારણે માનસિક સમસ્યાઓ સર્જાઈ શકે છે. 

મહિલાઓ અને કન્યાઓ
ગુપ્ત નવરાત્રી સમયે કોઈ પણ માટે મનમાં ખરાબ વિચારો ન લાવો. કોઈનું અપમાન ન કરો. મહિલાઓ અને કન્યાઓને હેરાન કરવાની ભૂલ ન કરવી જોઈએ. તમારો વધુ પડતો સમય માતાજીની પૂજામાં લગાડો.