બિઝનેસ / દુનિયાના ધનીકોની યાદીમાંથી અદાણી ટોપ 20માંથી ફરી આઉટ, OCCRPના ખુલાસાથી નેટવર્થમાં મચ્યો ભૂંકપ, અબજો ઓછા થયા

• અદાણી ગ્રુપને ફરી મોટું નુક્સાન
• OCCRPનાં રિપોર્ટ બાદ શેરોમાં લાગ્યો ફટકો
• નેટવર્થ ઘટી જવાથી અમીરોની ટોપ-20 લિસ્ટમાંથી પણ બહાર

વર્ષ 2023 ભારતીય ઉદ્યોગપતિ ગૌતમ અદાણી માટે સારો સાબિત નથી થઈ રહ્યો. નવા વર્ષની શરૂઆતમાં જ અમેરિકન શોર્ટ સેલર ફર્મ હિંડનબર્ગે અદાણી ગ્રુપને લઈને પોતાની રિસર્ચ રિપોર્ટ પબ્લિશ કરી હતી અને તે બાદ અદાણી ગ્રુપને મોટું નુક્સાન ભોગવવું પડ્યું હતું. હવે OCCRP નામક સંસ્થાએ અદાણી સમૂહની કંપનીઓ સામે આરોપોની નવી સીરીઝ આપી છે.ઓર્ગેનાઈઝ્ડ ક્રાઈમ એન્ડ કરપ્શન રિપોર્ટિંગ પ્રોજ્કટસે અદાણી ગ્રુપની કંપનીઓની સામે આરોપો મૂકતો ચોંકાવનારો રિપોર્ટ આપ્યો છે. રિપોર્ટમાં કરવામાં આવેલા દાવાઓને પરિણામે અદાણીનાં શેરોમાં ફરી ઘટાડો જોવા મળ્યો છે. ગૌતમ અદાણીની નેટવર્થમાં થયેલ ઘટાડાને લીધે અદાણી ફરી એકવાર અમીરોની ટોપ-20ની લિસ્ટમાંથી બહાર થઈ ગયાં છે.

22માં નંબર પર પહોંચ્યાં
ગૌતમ અદાણીની વર્તમાન નેટવર્થની વાત કરવામાં આવે તો બ્લૂમબર્ગ બિલેનિયર્સ અનુસાર છેલ્લાં 24 કલાકમાં તેમની સંપત્તિ 2.26 અરબ ડોલર એટલે કે 18000 કરોડ રૂપિયાથી વધારે ઘટી છે. જે બાદ ગૌતમ અદાણીની નેટવર્થ ઘટીને 61.8 અરબ ડોલર થઈ ગઈ છે. અમીરોની લિસ્ટમાં તે 22માં સ્થાન પર આવ્યાં છે. જો કે થોડાં દિવસો પહેલાં કંપનીનાં સ્ટોક્સમાં આવેલ તેજીને લીધે તેમણે ટોપ-20માં સ્થાન બનાવ્યું હતું.

OCCRPની રિપોર્ટ
હિંડનબર્ગની રિપોર્ટનાં 8 મહિના બાદ સામે આવેલ OCCRPની રિપોર્ટમાં કહેવામાં આવ્યું છે કે અપારદર્શી મોરીશસ ફંડની મદદથી Adani Groupએ કેટલાક પબ્લિક ટ્રેડિંગવાળા શેરોમાં લાખો ડોલરનું રોકાણ કર્યું હતું. નોન પ્રોફિટ મીડિયા સંગઠને કહ્યું કે રોકાણની પદ્ધતિએ અદાણી પરિવાર દ્વારા જણાવવામાં આવતાં વેપારનાં કથિત પાર્ટનર્સની ભાગેદારીનાં ચિત્રને અસ્પષ્ટ કરી દીધું છે.

ઓફશોર સ્ટ્રક્ચરથી ખરીદ-વેંચાણ 
ઓફશોર સ્ટ્રક્ચરથી ખરીદ-વેંચાણ સંબંધિત OCCRPએ કેટલાક દસ્તાવેજોનો હવાલો દેતાં કહ્યું કે તપાસ દરમિયાન તેમને ઓછામાં ઓછા એવા 2 મામલાઓ મળ્યાં કે જ્યાં રોકાણકારોએ આવાં ઓફશોર સ્ટ્રક્ચર વડે અદાણી સમૂહની કંપનીઓનાં સ્ટોકને ખરીદ્યા કે વેચ્યાં હતાં.