નવી સિસ્ટમ / હવે તમે જે દિવસે શેર વેચશો તેના બીજા દિવસે જ એકાઉન્ટમાં જમા થઈ જશે પૈસા, શરૂ થશે આ સિસ્ટમ

• શેર વેચ્યાના બિજાજ દિવસે જમા થશે એકાઉન્ટમાં રૂપિયા
• 25 ફેબ્રુઆરીથી સિસ્ટમ આવશે અમલમાં 
• પહેલા 1 જાન્યુઆરીથી આ સિસ્ટમ અમલમાં આવવાની હતી. 

૨૫ ફેબ્રુઆરીથી શેરબજારમાં સેટલમેન્ટ અંગે T+1 સિસ્ટમ લાગુ પડશે. હકીકતમાં T+1 સેટલમેન્ટ સાઈકલનો અમલ ૧ જાન્યુઆરી, ૨૦૨૨થી થવાનો હતો, પરંતુ હવે માર્કેટ રેગ્યુલેટર સેબીએ તેની સમયમર્યાદા લંબાવી દીધી છે અને આ વ્યવસ્થા હવે ૨૫ ફેબ્રુઆરી, ૨૦૨૨થી લાગુ પડશે.

બજારમાં શેરની લે-વેચ વધારવા સિસ્ટમ લાવવામાં આવી 

હાલ ઘરેલુ શેરબજારમાં શેરના વેચાણ બાદ ટ્રેડિંગના બે દિવસ પછી (T+૨) વેચનારના એકાઉન્ટમાં નાણાં જમા થાય છે, પરંતુ હવે તેના બદલે શેર વેચ્યાના બીજા દિવસે જ બેન્ક એકાઉન્ટમાં નાણાં જમા થઈ જશે. આ સિસ્ટમ પાછળનો હેતુ બજારમાં શેરની લે-વેચ વધારવાનો છે.

પ્રથમ તબક્કામાં 100 કંપનીઓ આ સિસ્ટમ લાગુ કરશે 

શેરબજારમાં લેવડદેવડની વ્યવસ્થા બેન્ક અથવા અન્ય સ્થળોથી અલગ હોય છે. સામાન્ય રીતે બેન્ક અથવા અન્ય પેમેન્ટ સિસ્ટમમાં નાણા ટ્રાન્સફર કે લેવડદેવડ થતાં જ ખાતાંમાં જમા થઈ જાય છે, પરંતુ શેરબજારમાં આવું થતું નથી. આથી હવે શેરબજારમાં T+1 સિસ્ટમ લાગુ કરવામાં આવશે. T+1 સિસ્ટમને તબક્કાવાર રીતે લાગુ કરવામાં આવશે. પ્રથમ તબક્કામાં માર્કેટ કેપિટેલાઈઝેશનના આધારે સૌથી નીચલી ૧૦૦ કંપનીઓના શેરમાં આ સિસ્ટમ લાગુ પડશે.

માર્ચ 2022 પછી 500થી વધું સ્ટોક આ સિસ્ટમ હેઠળ લવાશે

ત્યારબાદ માર્ચ, ૨૦૨૨થી નીચેથી ૫૦૦ વધુ સ્ટોકને આ સિસ્ટમ હેઠળ લાવવામાં આવશે. તમામ માર્કેટ ઈન્ફ્રાસ્ટ્રક્ચર ઈન્સ્ટિટ્યૂશન્સ (એમઆઈઆઈ) દ્વારા સાથે મળીને આ નિર્ણય લેવામાં આવ્યો છે.