સુરત / હાર્દિકસિંહનો 20 દિવસમાં જ વરઘોડો કાઢ્યો, અનિરુદ્ધ સિંહ 4 મહિનાથી પોલીસ પકડથી દૂર

સુરતમાં રાજકોટના કુખ્યાત આરોપી હાર્દિકસિંહ જાડેજાનો પોલીસે વરઘોડો કાઢ્યો હતો.. પોલીસે રાંદેર વિસ્તારમાં વરઘોડો કાઢીને આરોપી હાર્દિકસિંહ જાડેજાને કાયદાનો પાઠ ભણાવ્યો હતો. હાર્દિકસિંહે કાપડના વેપારી પાસેથી 29 લાખની લૂંટ કરી હતી.. તેણે 29 લાખને USDTમાં કન્વર્ટ કરીને દુબઈના ધનરાજ ડોડિયાને ટ્રાન્સફર કર્યા હતા.

રીબડામાં પેટ્રોલપંપ પર ફાયરિંગના કેસમાં પણ રાજકોટ પોલીસે આરોપીનો કબજો લીધો .24 જુલાઈએ હાર્દિકસિંહે અનિરુદ્ધસિંહ જાડેજાના પેટ્રોલ પંપ પર ફાયરિંગ કર્યું હતું . સુરત પોલીસે કેરળથી હાર્દિકસિંહ જાડેજાને 11 ઓગસ્ટે ઝડપી લીધો હતો. હાર્દિકસિંહ વિરૂદ્ધ 12 ગુનાઓ નોંધાઇ ચૂક્યા છે.

પોલીસ હાર્દિકસિંહ સુધી તો 20 દિવસમાં પહોંચી ગઇ પરંતુ અમિત ખૂંટની આત્મહત્યા કેસમાં 4 મહિના થયા છતા પોલીસની પકડથી બાપ અને દિકરો દુર છે. મહત્વનું છે કે અમિત ખૂંટના આપઘાત કેસમાં અનિરુદ્ધસિંહ અને રાજદીપસિંહ પર આક્ષેપ લાગ્યા છે, સ્યુસાઇડ નોટમાં અમિત ખૂંટે અનિરુદ્ધસિંહ અને રાજદીપસિંહના નામ લખ્યા હતા.

આ પણ વાંચોઃ ગુજરાતમાં લમ્પી વાયરસે ફરી ફુંફાડો માર્યો, પશુઓમાં લક્ષણો દેખાતા પશુપાલકોની ચિંતા વધી

હનીટ્રેપના ફસાવ્યા પછી દુષ્કર્મની ફરિયાદ નોંધાવાતા અમિત ખૂંટે આપઘાત કર્યો હોવાનો આક્ષેપ છે. હનીટ્રેપ અનિરુદ્ધસિંહે ગોઠવ્યું હોવાનો પણ આક્ષેપ છે..

આપઘાત પહેલા લખેલી સ્યૂસાઈડ નોટમાં અનિરુદ્ધસિંહ અને રાજદીપસિંહના નામ હતા. 4 મહિના થયા છતાં પોલીસ અનિરુદ્ધસિંહ અને રાજદીપસિંહને કેમ નથી પકડી શકી તે એક મોટો સવાલ બન્યો છે.

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ