કહેર / ગુજરાતમાં લમ્પી વાયરસે ફરી ફુંફાડો માર્યો, પશુઓમાં લક્ષણો દેખાતા પશુપાલકોની ચિંતા વધી

બનાસકાંઠાના પાલનપુર તાલુકાના ગામડાઓમાં ફરી એકવાર લમ્પી વાયરસે દેખા દીધી છે અને જેના કારણે પશુપાલકો ચિંતામાં મુકાયા છે.. બે વર્ષ પહેલા બનાસકાંઠામાં આવેલા લમ્પી વાયરસમાં હજારો પશુઓના મોત થયા હતા. અને પશુપાલકોને મોટું નુકસાન થયું હતું ત્યારે ફરી એકવાર પાલનપુર તાલુકાના ભુતેડી ચંડીસર સહિતના ગામડાઓમાં પશુઓમાં લમ્પી રોગના લક્ષણો દેખાતા પશુપાલકો ચિંતામાં મુકાયા છે..પશુપાલન વિભાગ દ્વારા તાત્કાલિક સર્વે કરી અને લમ્પી વાયરસ અટકાવવા માટે પગલા ભરવામાં આવે તેવી પશુપાલકો માંગ કરી રહ્યા છે

લમ્પી વાયરસના કારણે પશુઓના શરીર ઉપર મોટી ગાંઠો ઉપડી જાય છે પશુઓ ખાવાનું છોડી દે છે અને શરીર ઉપર થયેલી ગાંઠો ફૂટે ત્યારે રક્તપિત જેવુ પશુનું શરીર થઈ જાય છે અને તેના કારણે તેઓ મોતને ભેટે છે ત્યારે આ રોગને લઈને ફરી પશુપાલકોમાં ભય ફેલાયો છે પશુપાલકોનું કહેવું છે કે પશુપાલન વિભાગ દ્વારા તાત્કાલિક ધોરણે સર્વે કરી અને આ રોગને અટકાવવા માટે પગલા ભરવામાં નહીં આવે તો આગામી સમયમાં રોગનો વધુ ફેલાવો થઈ શકે છે અને પશુપાલકોને મોટું નુકસાન વેઠવાનો વારો આવી શકે છે.

આ પણ વાંચોઃ Video: પોલીસને ખુલ્લો પડકાર ફેંકતા નબીરાઓ, રસ્તા વચ્ચોવચ બર્થ-ડે સેલિબ્રેટ કરતા લોકોને હાલાકી

લમ્પી વાયરસને લઈને જિલ્લા પશુપાલન અધિકારીઓનું કહેવું છે કે આ રોગને લઇ ખૂબ જ તકેદારી રાખવામાં આવી રહી છે. અત્યારે ચોમાસુ હોવાના લીધે જીવાણુઓનો ઉપદ્રવ વધારે હોય છે. જીવાત વધારે હોય છે એટલે અત્યારે રોગની સંભાવના વધારે હોય છે .અને આ વિષાણુજન્ય રોગ છે .જે એક પશુ માંથી અન્ય પશુઓને થવાની સંભાવના હોય છે..

અધિકારીઓએ કહ્યું અત્યારે બનાસકાંઠા સાડા દસ લાખ જેટલા પશુઓનો રસીકરણ થઈ ગયું છે અને વિભાગ સર્વે પણ કરી રહ્યો છે સાથે જ પશુપાલકોને પણ એવી વિનંતી કરીએ છીએ કે આપના ધ્યાનમાં કોઈપણ પ્રકારનો કે આ પ્રકારનો કેસ આવે તો સતર્કતા રાખી જીવાતના ઉપદ્રવનો કંટ્રોલ કરી અને નજીકના પશુ દવાખાનાને જાણ કરવાનું રાખશો જેથી કરીને જે તે કેસની વાસ્તવિકતા શું છે તે જાણી શકાય.

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ