અમદાવાદ / રખડતા ઢોરના ત્રાસ મુદે પોલીસ કમિશનરનું જાહેરનામું, 60 દિવસમાં ચીપ લગાવવા આદેશ, આ વિસ્તારને જાહેર કર્યો નો-કેટલ ઝોન

• અમદાવાદ પોલીસ કમિશનરનું જાહેરનામું
• હાઈકોર્ટ આસપાસનો વિસ્તાર નો-કેટલ ઝોન
• 60 દિવસમાં ઢોરને ચીપ લગાવવા આદેશ

હાઇકોર્ટ આસપાસના વિસ્તારને નો-કેટલ ઝોન જાહેર કરાયો

અમદાવાદમાં રખડતા ઢોરના ત્રાસમાં વધારો થયો છે. રખડતા ઢોરને કારણે શહેરમાં અનેક અકસ્માતના બનાવ પણ બને છે, ત્યારે હાઈકોર્ટ આસપાસના વિસ્તારને નો-કેટલ ઝોન જાહેર કરવામાં આવ્યો છે. આ માટે અમદાવાદ પોલીસ કમિશનરે જાહેર નામું બહાર પાડ્યું છે. જેમાં 60 દિવસમાં ઢોરને ચીપ લગાવવા આદેશ આપવામાં આવ્યો છે. 

આદેશનો ભંગ કરનાર સામે કાયદાકીય કાર્યવાહી થશે

આ સાથે રખડતા ઢોરને કારણે અકસ્માત અને ટ્રાફિકની સમસ્યા થતી હોવાથી અકસ્માત માટે પશુના માલિક જવાબદાર હોવાનું કહેવામાં આવ્યું છે. પોલીસ કમિશનરે આ આદેશના ભંગ કરનારા સાથે કાયદાકીય કાર્યવાહી કરવાની ચીમકી ઉચ્ચારી છે.

અમદાવાદમાં રખડતા પશુઓના કારણે ગંભીર અકસ્માતો થાય છે 

મહત્વનું છે કે અમદાવાદ શહેરમાં રખડતા પશુઓના ઉપદ્રવને કારણે ગંભીર અકસ્માતો , ટ્રાફિકની સમસ્યા અને ગ્રીન પેચને નુકશાન થવાના કિસ્સા બને છે. જેથી અમદાવાદ પોલીસ કમિશનર દ્વારા આ  સમસ્યાના કાયમી નિકાકરણ મામલે હવે આદેશ કરાયો છે. ઉલ્લેખનીય છે કે, અમદાવાદમાં વસવાટ કરતા ગૌપાલકોએ તેમની માલિકીના પશુઓમાં આગામી 60 દિવસની અંદર ટેપ અને ચીપ ફરજિયાત લગાવવી તેમજ પશુઓની માલિકીના ફેરબદલ અંગે પણ મ્યુનિલપલ કોર્પોરેશનના સંલગ્ન વિભાગને જાણ કરવી. જ્યારે આદેશનો ભંગ કરનાર સામે કાર્યવાહી કરવામાં આવશે.