ક્રાઇમ / રૂ. 28 લાખના મુદ્દામાલ સાથે સિદ્ધપુરના ધારેવાડાથી ઝડપાયું 8 લાખનું બિનવારસી હેરોઇન, રાજસ્થાનથી અમદાવાદ આવતી બસમાં કાર્યવાહી

• સિદ્ધપુરના ધારેવાડા પાસેથી બિનવારસી હેરોઈન જપ્ત
• લકઝરી બસમાંથી રૂ.8 લાખનું બિનવારસી હેરોઈન જપ્ત કર્યું 
• પોલીસે 160.640 ગ્રામ હેરોઈનનો જથ્થો જપ્ત કર્યો
• રાજસ્થાનથી અમદાવાદ આવતી લકઝરી બસમાંથી ઝડપાયું

Patan News : દિવાળીના તહેવારને લઈ પોલીસ સતત પેટ્રોલિંગ અને સુરક્ષાને કારણે અલગ-અલગ વિસ્તારોમાં ફરજ બજાવી રહી છે. આ દરમિયાન હવે પોલીસે પાટણના સિદ્ધપુરમાં એક લક્ઝરી બસમાંથી રૂપિયા 8 લાખનું બિનવારસી હેરોઈન પોલીસે જપ્ત કર્યું છે. વિગતો મુજબ રાજસ્થાનથી અમદાવાદ આવતી લક્ઝરી બસમાંથી હેરોઈન ઝડપાયું છે. પાટણમાં 9 માસમાં ત્રીજી વખત ડ્રગ્સનો જથ્થો ઝડપાયો છે. આ તરફ પોલીસે હવે આ મામલે વધુ તપાસ હાથ ધરી છે. 

પાટણ જિલ્લાના સિદ્ધપુરમાં પોલીસે બિનવારસી હેરોઇનનો જથ્થો ઝડપી પાડ્યો છે. વિગતો મુજબ પોલીસની ટીમ તહેવારોને લઈ ચેકિંગમાં હતી. આ દરમિયાન ધારેવાડા પાસે રાજસ્થાનથી અમદાવાદ જતી જય બજરંગ ટ્રાવેલ્સની લક્ઝરીની તલાશી લીધી હતી. જ્યાં ચેકિંગ દરમિયાન લક્ઝરી બસમાંથી રૂપિયા 8 લાખનું બિનવારસી હેરોઈન મળી આવ્યું છે. જેને લઈ પોલીસે હેરોઈન સહિત કુલ રૂપિયા 28.03 લાખનો મુદ્દામાલ જપ્ત કર્યો છે.