- બિહાર વિધાનસભામાં સીએમ નીતિશ કુમારનું સાવ બેશર્મીભર્યું નિવેદન
- વસતી નિયંત્રણને લઈને સાવ અશ્લિલ બોલ્યાં
- વિધાનસભામાં મહિલા ધારાસભ્યો અસહજ દેખાઈ
મુખ્યમંત્રી જેવા ઊંચા હોદ્દા પર બેઠેલા વ્યક્તિ જ્યારે જાહેરમાં સાવ બેશરમ વાતો કરે તો કેવું લાગે. બિહારના સીએમ નીતિશ કુમારે જાહેરમાં ન બોલી શકાય તેવી વાતો કરીને સોશિયલ મીડિયાનો પારો હાઈ કરી દીધો હતો. વસતી નિયંત્રણ ચર્ચા પર બોલતાં નીતિશ કુમારે સાવ અશ્લિલ કહી શકાય તેવી વાતો કરી હતી.
શું બોલ્યાં સીએમ નીતિશ કુમાર
નીતિશ કુમારે કહ્યું કે બિહારમાં મહિલાઓની સાક્ષરતા વધી છે. જો છોકરી શિક્ષિત રહેશે તો જનસંખ્યા પર અંકુશ આવશે. આ વાત સમજાવવા માટે નીતિશ કુમારે કહ્યું કે, જો છોકરી ભણી લેશે તો પુરુષ રોજ રાતે કરે છે, તેમાં વધારે બાળકો પેદા થઈ જાય છે. જો છોકરી ભણી લેશે તો તેની અંદર.....તેને....કરી દો. તેમાં વસતી ઘટી રહી છે.
નીતિશ કુમાર અશ્લિલ નિવેદન પર શું બન્યું
નીતિશ કુમારે જ્યારે આવી વાતો કરી ત્યારે વિધાનસભામાં મહિલાઓ ધારાસભ્યો અસહજ સ્થિતિમાં જોવા મળી હતી. કેટલીક ગુસ્સે પણ ભરાઈ હતી તો બીજા કેટલાક ધારાસભ્યો હસતા દેખાયા હતા.
ભાજપ ધારાસભ્યોએ સીએમને ઘેર્યાં
નીતીશના નિવેદન પર ધારાસભ્યોની પ્રતિક્રિયાઓ પણ આવી રહી છે. ભાજપના નેતા તારકિશોર પ્રસાદે કહ્યું કે મુખ્યમંત્રી આ વાત વધુ સારી રીતે કહી શક્યા હોત. ભાજપના ધારાસભ્ય નિક્કી હેમબ્રામે કહ્યું કે મુખ્યમંત્રી આ વાત સન્માનજનક રીતે કહી શક્યા હોત. તેમનો સ્ત્રીઓ પ્રત્યે આદર દેખાતો નથી.
મુખ્યમંત્રીએ અનામતનો વ્યાપ વધારવાનો પ્રસ્તાવ મૂક્યો
પોતાના સંબોધનમાં સીએમ નીતિશે પણ મોટી જાહેરાત કરી હતી. આમાં તેમણે બિહારમાં ઓબીસી અનામત વધારવાનો પ્રસ્તાવ મૂક્યો હતો. મુખ્યમંત્રી નીતિશે રાજ્યમાં અનામતનો વ્યાપ 50થી વધારીને 75 ટકા કરવાનો પ્રસ્તાવ મૂક્યો હતો જેમાં ઓબીસી માટે 43 ટકા, એસસી માટે 20 ટકા, એસટી માટે 1 ટકો અને અતિ પછાત માટે 10 એમ ટોટલ 75 ટકા અનામત વધારો સામેલ છે.
