દેશ / 'પેટ્રોલ, ડીઝલ કે CNGની નહીં પડે જરુર, ઓગસ્ટમાં બજારમાં લોન્ચ થશે ઈથેનોલથી ચાલતી કાર, નીતિન ગડકરીનું મોટું એલાન

• કેન્દ્રીય મંત્રી નિતીન ગડકરીનું મોટું એલાન
• ઑગસ્ટ મહિનામાં ઈથેનોલથી ચાલતાં વાહનો આવશે
• ન માત્ર કાર પરંતુ ઈથેનોલથી ચાલતી બાઈકનું પણ થશે લોન્ચિંગ

હવે પેટ્રોલ, ડીઝલ કે CNG જેવા મોંઘા ઈંધણની જરૂરિયા નહીં રહે કારણકે ઑગસ્ટ મહિનાથી ઈથેનોલથી ચાલતા વાહનો બજારમાં લૉન્ચ થવા જઈ રહ્યાં છે. કેન્દ્રીય માર્ગ પરિવહન મંત્રી નિતીન ગડકરીએ એલાન કરતાં કહ્યું કે  ઑગસ્ટ મહિનામાં બજારમાં ઈથેનૉલથી ચાલતી બાઈક અને કાર આવશે. ભાજપે આજે મુંબઈમાં એક રાઉન્ડ ટેબલ કોન્ફેરેન્સનું આયોજન કર્યું હતું. મોદી @9 અભિયામ અંતર્ગત યોજવામાં આવેલ આ કાર્યક્રમમાં નિતીન ગડકરીએ આ માહિતી આપી હતી.

@nitin_gadkari speaks with people of #Mumbai. Says 38% power today comes from solar. 16L Cr is the import cost of fossil fuel. Target is to reduce this to 50% in the next 5 years.
Ethanol is being prepared by farmers which will be used as biofuel. That's rural development. 👏 pic.twitter.com/bygYFeWxHm

— Keval Valambhia (@kvalambhia) June 23, 2023

100% ઈથેનોલથી ચાલતાં વાહનોનું થશે લૉન્ચ
નિતીન ગડકરીએ કહ્યું કે ઑગસ્ટ મહિનાથી ઈથેનોલથી ચાલતી ન માત્ર કાર પણ બાઈક પણ બજારમાં ઉપલબ્ધ થશે.  આ રીતે હવે ગ્રાહકો માટે ઈથેનોલથી ચાલતાં 4 પૈડા અને 2 પૈડાવાળા વાહનો ઉપલબ્ધ થશે. ટોયોટા કંપની આ ગાડીઓને લોન્ચ કરવા જઈ રહી છે. આ ગાડીઓ 100% બાયો ઈથેનોલથી ચાલશે. સારી વાત તો એ છે કે ઈથેનોલ, પેટ્રોલ કરતાં ઘણું સસ્તુ પડશે અને પ્રદૂષણ પણ નહીં થાય.

સરકારી યોજનાઓથી જનતાને થયો લાભ
નિતીન ગડકરીએ આ કાર્યક્રમને સંબોધિત કરતાં કહ્યું કે આયુષ્માન ભારત યોજનાથી ભારતનાં 37 કરોડ લોકોને ફાયદો થયો છે. PM કિસાન યોજનાથી ગામડે-ગામડે ખેડૂતોને લાભ પહોંચાડવામાં આવ્યો છે. 9.6 કરોડ લોકોને ગેસ કનેક્શન આપવામાં આવ્યું છે. જનધન યોજના અંતર્ગત 49 કરોડ લોકોનાં બેંક એકાઉન્ટ પણ ખોલાવવામાં આવ્યાં છે.