હેલ્થ / ઉનાળામાં છાસ અને દહીં ખાવાથી પાચન સુધરશે, જાણો તેના બીજા અઢળક ફાયદા

દહીં અને છાશ બંને પ્રાચીન ભારતીય આહારના મહત્વપૂર્ણ ભાગો છે અને બંને દૂધમાંથી બને છે.

પ્રોટીન, કેલ્શિયમ અને વિટામીન B12

દહીં દૂધને જમાવીને બનાવવામાં આવે છે, છાશ એ મૂળભૂત રીતે દહીંમાંથી માખણ કાઢ્યા પછી બાકી રહેલું પ્રવાહી છે. આ બંને ઉત્પાદનો પોષક તત્વોથી ભરપૂર છે. જેમ કે પ્રોટીન, કેલ્શિયમ અને વિટામીન B12. પરંતુ, તેમના સ્વાસ્થ્ય લાભો અલગ છે. ચાલો નિષ્ણાતો પાસેથી જાણીએ કે ઉનાળામાં દહીં અને છાશનું સેવન કરવાથી શું સ્વાસ્થ્ય લાભ થાય છે.

દહીંમાં રહેલા સારા બેક્ટેરિયા આપણા પેટના સ્વાસ્થ્ય માટે ખૂબ જ ફાયદાકારક

નિષ્ણાંતો કહે છે કે છાશ અને દહીં ખાવાના ઘણા ફાયદા છે. દહીંમાં રહેલા સારા બેક્ટેરિયા આપણા પેટના સ્વાસ્થ્ય માટે ખૂબ જ ફાયદાકારક છે. આ બેક્ટેરિયા આપણું પાચન સુધારે છે. અને પેટમાં ચેપ તેમજ ઝાડા જેવી સમસ્યાઓથી બચાવે છે.

સ્ટ્રોક નિવારણમાં મહત્વની ભૂમિકા

ઉનાળામાં વધતા તાપમાન અને હીટસ્ટ્રોકથી બચવા માટે દહીં એક અસરકારક ઉપાય સાબિત થઈ શકે છે. દહીંમાં પ્રોબાયોટીક્સના ગુણ હોય છે, જે શરીરને ઠંડુ રાખવામાં મદદ કરે છે. અને પાચનક્રિયા સુધારે છે. આ સિવાય દહીં પોટેશિયમ અને મેગ્નેશિયમ જેવા જરૂરી મિનરલ્સનો પણ મહત્વનો સ્ત્રોત છે, જે હીટ સ્ટ્રોકથી બચવામાં મહત્વની ભૂમિકા ભજવે છે. રોજ દહીંનું સેવન કરવાથી માત્ર હીટ સ્ટ્રોકથી જ રક્ષણ નથી મળતું પરંતુ શરીરને પણ શક્તિ મળે છે. ઉનાળાની આ ઋતુમાં તમે તમારા રોજિંદા આહારમાં દહીંનો સમાવેશ કરીને સ્વસ્થ રહી શકો છો.

આ પણ વાંચોઃ બાળકો માટે પાણીની બોટલ અને લંચ બોક્સ ખરીદતી વખતે રાખો ધ્યાન, સસ્તી વસ્તુથી બીમારીનું જોખમ

પેટની વિવિધ સમસ્યાઓ માટે કુદરતી ઉપચાર

છાશ માત્ર એક સ્વાદિષ્ટ પીણું નથી. બલ્કે, તે સ્વાસ્થ્ય માટે ઘણા ફાયદા પણ આપે છે. દહીંના તમામ વિટામિન્સ અને મિનરલ્સ છાશમાં હોય છે. પરંતુ, તેમાં પાણીનું પ્રમાણ વધારે છે જે તેને પાતળું અને પચવામાં સરળ બનાવે છે. બપોરના સમયે છાશનું સેવન કરવાથી પાચનક્રિયામાં સરળતા રહે છે.