IPL 2024 / પંજાબ સામેની હાર બાદ સમીકરણો બદલાયા, CSK હવે આવી રીતે આવી શકે પ્લે ઓફમાં

IPL 2024માં પંજાબ સામે ચેન્નઈની હાર બાદ પોઈન્ટ ટેબલના સમિકરણો બદલાઈ ગયા છે. ચેન્નઈની ટીમ મેચ હારતા તેનું હવે ક્વોલિફાઈ કરવું મુશ્કેલ બની શકે છે. ચેન્નઈની ટીમનો પાંચ મેચમાં પરાજય અને પાંચ મેચમાં વિજય થયો છે. તે અત્યારે 10 પોઈન્ટ સાથે ચોથા નંબરે છે પરંતુ આગામી સમયમાં તેની મુશ્કેલી વધી શકે છે. આપણે અહીંયા જાણવાનો પ્રયાસ કરીશું કે CSK આ સીઝનમાં સેમીફાયનલ પોતાની જગ્યા કેવી રીતે સુનિશ્ચિત કરી શકે છે.

પ્લે ઓફમાં આવવા જોઇએ મિનિમમ 16 પોઇન્ટ

ચેન્નઈ સુપર કિંગ્સની ટીમને પ્લે ઓફમાં આવવુ હોય તો તેને મિનિમમ 16 પોઈન્ટની જોઈયે. ચેન્નઈની ટીમને હજુ ચાર મેચ રમવાની બાકી છે. જો ચેન્નઈ તેની આ ચારમાંથી ત્રણ મેચ જીતે છે તો પ્લે ઓફમાં તેની ટીમ સામેલ થઈ શકે છે. જો તે આ ચારમાંથી બે મેચ હારી જાય છે તો ચેન્નઈને બીજી ટીમના પર્ફોમન્સ પર નિર્ભર રહેવુ પડશે. CSKની ટીમને તેની આગામી ચાર મેચો પંજાબ, ગુજરાત, રાજસ્થાન અને બેંગલોર સામે રમવાની છે.

કઇ ટીમો ચેન્નાઇને નડી શકે છે ?

જો ચેન્નઈ તેની ચારેય મેચ જીતી જાય છે તો તે પ્લે ઓફમાં પહોંચી જશે. ચેન્નઈની ટીમને પ્લે ઓફમાં પહોંચતા હૈદરાબાદ અને લખનઉની ટીમનું સારુ પર્ફોર્મન્સ નડી શકે છે. કેમ કે લખનઉની ટીમ 10માંથી 6 મેચ જીતીને ત્રીજા નંબરે છે ત્યારે SRHની ટીમ 9 મેચમાં પાંચ વિજય સાથે પોઈન્ટ ટેબલમાં પાંચમાં નંબરે છે.

આ IPLમાં રાજસ્થાન અને KKRની ટીમનું પ્લે ઓફમાં સામેલ થવુ લગભગ નક્કી છે. RRની ટીમ 8 મેચમાં વિજય સાથે પોઈન્ટ ટેબલમાં પ્રથમ નંબરે છે તો KKRની ટીમ 9 મેચમાં 12 પોઈન્ટ સાથે બીજા નંબરે છે.