હદ છે / ઘોર કળિયુગ! નિ:સંતાન દંપતીએ પરિચિતનું સંતાન મેળવવા ઊભી કરી વિચિત્ર કહાની, કિસ્સો ચકચાર

દહેગામ તાલુકાના વાસણા રાઠોડ રોડ નજીકથી શનિવારે સવારે ત્યજી દેવાયેલ હાલતમાં એક નવજાત બાળક મળ્યો હોવાની ઘટના સામે આવી છે. બાઈક પર જતા એક વ્યક્તિ લઘુશંકા કરવા ઝાડીઓ તરફ ગયા હતા. ત્યારે તેમને ગોદડામાંથી બાળક રડવાનો અવાજ સંભળાયો.

બાળકને સારવાર અર્થે ખસેડાયું

અવાજ આવતા તેમણે નજીક જઈને ગોદડું ખોલ્યું તો અંદર જીવતું બાળક મળ્યું. તરત જ તેમણે બાળકને ઘરે લઈ જઈ પત્નીની મદદથી દહેગામ હોસ્પિટલ પહોંચાડ્યું. અહીં પ્રાથમિક સારવાર બાદ 108 મારફતે બાળકને ગાંધીનગર સિવિલ હોસ્પિટલ મોકલવામાં આવ્યું છે, જ્યાં બાળકને વધુ સારવાર આપવામાં આવી રહી છે.

દહેગામ પોલીસે તપાસ શરૂ કરી

આ સમગ્ર ઘટનાની જાણ તાત્કાલિક દહેગામ પોલીસને કરવામાં આવી છે. પોલીસે ઘટના સ્થળે પહોંચી તપાસ શરૂ કરી છે અને કોણે બાળકને ત્યજી દીધો તેની દિશામાં તપાસ આગળ હાથ ધરવામાં આવી છે.

આ પણ વાંચોઃ સરખેજમાં યુવકની હત્યાનો બનાવ, સિગારેટ માગવા મુદ્દે વધેલો ઝઘડો જીવલેણ

16 વર્ષની કિશોરીએ બાળકીને જન્મ આપ્યો

ગાંધીનગરના દહેગામ પાસેથી બાળક મળવાના કેસમાં નવો વળાંક સામે આવ્યો છે. જેમાં બાળકને હોસ્પિટલ લાવનાર વ્યક્તિએ ખોટી સ્ટોરી ઉપજાવી હતી. 16 વર્ષની કિશોરીએ બાળકીને જન્મ આપ્યો હતો. નિ:સંતાન દંપતીએ ખેડાથી પરિચિતનું સંતાન મેળવવા આખી કહાની ઉભી કરી હતી. ત્યજી દીધેલી હાલતમાં બાળક મળી આવ્યું હોવાનું જણાવ્યું હતું.

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ