ક્રાઈમ / સરખેજમાં યુવકની હત્યાનો બનાવ, સિગારેટ માગવા મુદ્દે વધેલો ઝઘડો જીવલેણ

અમદાવાદ શહેરના સરખેજ વિસ્તારમાં ગઈ રાતે એક યુવકની છરીના ઘા મારી કરાઈ હત્યાનો ગંભીર બનાવ સામે આવ્યો છે. ફતેહવાડી વિસ્તારમાં અહદ ક્લબ નજીક બનેલી આ ઘટનાને લઈ વિસ્તારમાં અફરાતફરી મચી ગઈ હતી.

પ્રાથમિક માહિતી મુજબ, રોનક પાન હાઉસ ખાતે સિગારેટ માંગવાની બાબતે ઝઘડો થયો હતો. ઝઘડો એટલો વધ્યો કે જાવીદ નામના યુવક પર શાહરુખ ઉર્ફે લીકેજ નામના શખ્સે છરીથી હુમલો કર્યો હતો. હુમલો એટલો ગંભીર હતો કે જાવીદનું ઘટનાસ્થળે જ મોત નીપજ્યું હતું.

આરોપીની શોધખોળ શરૂ કરી

હત્યાની જાણ મળતા જ સરખેજ પોલીસ તાત્કાલિક દોડી આવી હતી અને ઘટના સ્થળનું પંચનામું કરી તપાસ શરૂ કરી છે. પોલીસએ હત્યાનો ગુનો નોંધી આરોપી શાહરુખ ઉર્ફે લીકેજની ધરપકડ માટે શોધખોળ શરૂ કરી દીધી છે.

આ પણ વાંચોઃ જંબુસરના દરિયામાં ભરતીનું પાણી વધતાં સેકન્ડમાં ઊંધી વળી ગઈ બોટ, માલિકનું મોત, 23 મજૂરો બચાવાયા

સામાન્ય ઝઘડાએ ઉગ્ર સ્વરૂપ ધારણ કર્યું

પોલીસ સૂત્રો જણાવે છે કે હત્યાનું કારણ સામાન્ય ઝઘડો હોવા છતાં ઘટના ગંભીર સ્વરૂપ ધારણ કરી છે. આસપાસના સી.સી.ટી.વી. ફૂટેજ તેમજ સાક્ષીઓના નિવેદનોના આધારે આરોપીની ઝડપી ધરપકડ માટે વિશેષ ટીમ કાર્યરત છે.

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ