તમારા કામનું / મહિલાઓને ગેસ કનેકશનની સાથે મફતમાં મળે છે સિલિન્ડર, આ રીતે ઉઠાવો યોજનાનો ફાયદો

કેન્દ્ર સરકાર દ્વારા મહિલાઓના સશક્તિકરણ માટે અનેક યોજનાઓ ચાલી રહી છે. તેમાં સૌથી લોકપ્રિય યોજના છે પ્રધાનમંત્રી ઉર્જ્વલા યોજના (PMUY). આ યોજના અંતર્ગત આર્થિક રીતે નબળી અને ગ્રામ્ય પરિવારોની મહિલાઓને મફત ગેસ કનેક્શન અને સિલિન્ડર આપવામાં આવે છે.

કોણ લઈ શકે છે લાભ?

• યોજના હેઠળ માત્ર એક પરિવારની એક જ મહિલાને લાભ મળે છે.
• લાભ માત્ર તે મહિલાઓ લઈ શકે છે, જેઓના નામે અગાઉથી કોઈ ગેસ કનેક્શન ન હોય.
• BPL કાર્ડધારક મહિલાઓ જ આ યોજના માટે પાત્ર છે.

જરૂરી દસ્તાવેજો

યોજનામાં અરજી કરવા માટે નીચેના કાગળો જરૂરી છે.

• આધાર કાર્ડ
• રેશન કાર્ડ
• બેન્ક ખાતાની વિગતો
• પાસપોર્ટ સાઇઝનો ફોટો

અરજી પ્રક્રિયા

મહિલાઓ નિકટવર્તી ગેસ એજન્સી પર અથવા ઓનલાઇન પોર્ટલ મારફતે અરજી કરી શકે છે. અરજી મંજૂર થયા બાદ સરકાર તરફથી મફત ગેસ કનેક્શન અને પ્રથમ સિલિન્ડર આપવામાં આવે છે.

આ પણ વાંચો : જિયોના 9 વર્ષ પૂરા થતા મુકેશ અંબાણીએ ખજાનો ખોલ્યો, યુઝર્સને મફતમાં અનેક લાભ

કેમ મહત્વપૂર્ણ છે યોજના?

આ યોજનાથી ગામડાંઓમાં હજુ સુધી માટી-લાકડાના ચુલ્હા પર રસોઈ કરતી મહિલાઓને રાહત મળી છે. સ્વચ્છ ઈંધણના કારણે આરોગ્ય જોખમ ઓછો થયો છે અને જીવન વધુ સરળ બન્યું છે. આ યોજના ખાસ કરીને ગ્રામ્ય તથા આર્થિક રીતે નબળી મહિલાઓ માટે જીવનમાં મોટો બદલાવ લાવી રહી છે.

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ