નિવેદન / PM મોદી અને ડોનાલ્ડ ટ્રમ્પ વચ્ચે કોઈ વાતચીત નથી થઈ, વિદેશ મંત્રાલયે ખોલી દીધી ટ્રમ્પની પોલ

Donald Trump : રશિયન તેલ ખરીદી પર વિવાદની વચ્ચે હવે એક મોટી અપડેટ સામે આવી છે. વાસ્તવમાં અમેરિકાના રાષ્ટ્રપતિ ડોનાલ્ડ ટ્રમ્પના તાજેતરના નિવેદન બાદ ભારત-અમેરિકા સંબંધોને લઇને નવી ચર્ચાઓ શરૂ થઇ ગઈ છે. ટ્રમ્પે દાવો કર્યો હતો, કે વડા પ્રધાન નરેન્દ્ર મોદીએ તેમને ફોન કરીને ખાતરી આપી છે કે, ભારત હવે રશિયા પાસેથી તેલ ખરીદશે નહીં. જોકે ભારતના વિદેશ મંત્રાલયે આ દાવાને સ્પષ્ટપણે નકારી કાઢતા સમગ્ર મુદ્દાને નવો વળાંક આપ્યો છે.

આવી કોઈ ફોન કોલ નહીં થયો

વિદેશ મંત્રાલયના પ્રવક્તા રણધીર જયસ્વાલે સ્પષ્ટ જણાવ્યું કે, મારી જાણકારી મુજબ, ગઈકાલે વડા પ્રધાન મોદી અને ટ્રમ્પ વચ્ચે કોઈ ફોન થયો નથી. વિદેશ મંત્રાલયે જણાવ્યું હતું કે, ટ્રમ્પનો દાવો સંપૂર્ણપણે ખોટો છે અને આવી કોઈ ચર્ચા થયાની કોઈ માહિતી નથી. આ નિવેદનથી સ્પષ્ટ છે કે, ભારત પોતાની નીતિ વિશે સ્પષ્ટ અને પારદર્શક વલણ રાખે છે.

ટ્રમ્પનું નિવેદન શું હતું?

બુધવારે વોશિંગ્ટનમાં પત્રકારો સાથે વાતચીત દરમિયાન ટ્રમ્પે દાવો કર્યો હતો કે, વડા પ્રધાન મોદીએ તેમને ફોન કરીને જણાવ્યું કે, ભારત હવે રશિયા પાસેથી તેલ નહીં ખરીદે. તેમનું કહેવું હતું, મોદીએ આજે મને કહ્યું કે, તેઓ રશિયા પાસેથી તેલ નહીં ખરીદે. હવે આપણને ચીનને પણ આવું કરવા માટે સમજાવવું પડશે. ટ્રમ્પના આ નિવેદન પછી ભારત સરકાર તરફથી તરત જ સત્તાવાર જવાબ આપવામાં આવ્યો હતો.

ભારતની રશિયન તેલ નીતિ

ચીન પછી ભારત રશિયન ક્રૂડ ઓઇલનો બીજો સૌથી મોટો આયાતકાર છે. સેન્ટર ફોર રિસર્ચ ઓન એનર્જી એન્ડ ક્લીન એર (CREA) ના અહેવાલ મુજબ ભારતમાં રશિયા પાસેથી સસ્તું ક્રૂડ ઓઇલ ખરીદીને પોતાના ઊર્જા ખર્ચ પર નિયંત્રણ રાખ્યું છે, જે દેશની અર્થવ્યવસ્થાને મજબૂતી આપે છે. ભારત ઘણીવાર સ્પષ્ટ રીતે જણાવી ચૂક્યું છે કે, તે તેલ ખરીદી માટે કોઈ તૃતીય પક્ષના દબાણ હેઠળ નહિ આવે. ભારતના નેતાઓએ પુનરોચ્ચાર કર્યો છે કે દેશની ઊર્જા સુરક્ષા અને આર્થિક હિત સૌથી અગત્યના છે.

આ પણ વાંચો : PI-PSI તો ઠીક પણ હવે તો DIG લાંચ લેતા ઝડપાયા, CBIએ ઓફિસમાં રેડ કરી રંગેહાથે ઝડપ્યા

સ્વતંત્ર નીતિ માટે ભારતનું દૃઢ વલણ

વિદેશ મંત્રાલયે ટ્રમ્પના દાવાને ખોટો ગણાવતાં જણાવ્યું કે ભારત પોતાની વિદેશ નીતિ અને ઊર્જા નીતિ સંપૂર્ણપણે સ્વતંત્ર રીતે નક્કી કરે છે. ભારતનું વલણ છે કે, વૈશ્વિક ભૂરાજનીતિમાં પણ પોતાનો નિર્ણય મુજબ રાષ્ટ્રીય હિતના આધારે જ ચાલે છે, કોઈ બાહ્ય દબાણથી નહીં.

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ