કાર્યવાહી / PI-PSI તો ઠીક પણ હવે તો DIG લાંચ લેતા ઝડપાયા, CBIએ ઓફિસમાં રેડ કરી રંગેહાથે ઝડપ્યા

DIG Bribe Case : અત્યાર સુધી તમે કોન્સ્ટેબલ, PSI કે PI ના લાંચ લેતા પકડાયા હોવાના સમાચાર સાંભળ્યા હશે પણ હવે ખુદ DIG લાંચ લેતા ઝડપાયા હોવાનું સામે આવતા ખળભળાટ મચી ગયો છે. પંજાબથી એક મોટા સમાચાર સામે આવ્યા છે. વાસ્તવમાં પંજાબના રોપર રેન્જના ડેપ્યુટી ઇન્સ્પેક્ટર જનરલ (DIG) હરચરણ સિંહ ભુલ્લર પણ સીબીઆઈની રડાર પર આવ્યા છે અને તેમને લાંચ લેતી વખતે રંગે હાથ ઝડપવામાં આવ્યા છે.

રંગે હાથ ઝડપાયા DIG ભુલ્લર

ગુરુવારે CBIની ચંદીગઢ યુનિટે એક વ્યૂહાત્મક છટકું ગોઠવીને રોપર રેન્જના DIG હરચરણ સિંહ ભુલ્લરની ધરપકડ કરી હતી. માહિતી અનુસાર, ભુલ્લર પાસે ગોવિંદગઢના એક ભંગાર વેપારી પાસેથી દર મહિને ₹5 લાખની લાંચ લેવાની ફરિયાદ મળી હતી. આ ફરિયાદને આધારે સીબીઆઈએ તપાસ શરૂ કરી અને અંતે ચંદીગઢ સ્થિત તેમના કાર્યાલય પર દરોડા બાદ તેમને લાંચ લેતા ઝડપ્યા. CBI ટૂંક સમયમાં આ સમગ્ર મામલે એક સત્તાવાર પ્રેસ નોટ બહાર પાડશે અને DIG ભુલ્લરને વિશેષ સીબીઆઈ કોર્ટમાં રજૂ કરવાની પણ શક્યતા છે.

કઠોર અને પ્રામાણિક અધિકારીની હતી છાપ

હરચરણ સિંહ ભુલ્લર એક સમય ગઠિત ગુનાઓ, ડ્રગ્સ, અને સામાજિક અસુરક્ષાની વિરુદ્ધ કડક કાર્યવાહી કરવા માટે જાણીતા હતા. તેઓ "ડ્રગ્સ વિરુદ્ધ યુદ્ધ" અભિયાનના મુખ્ય ચહેરા રહ્યા છે. તેમના કાર્યકાળ દરમિયાન તેમણે 288 FIR, 452 જેટલા ડ્રગ્સ સાથે સંકળાયેલા આરોપીઓને પકડ્યા અને ડ્રગ્સ સપ્લાય ચેઇન તોડવાના દિશામાં વિશેષ કામ કર્યું. તેમની ઈમેજ કડક અને ઈમાનદાર અધિકારી તરીકે ઉભર્યો હતો, જેથી તેમની ધરપકડથી સામાન્ય જનતામાં અને પોલીસ તંત્રમાં ભારે આશ્ચર્ય ફેલાયું છે.

આ પણ વાંચો : 32000 ફૂટની ઊંચાઇએથી DRDOએ દેખાડ્યો કમાલ, Videoમાં જુઓ ભારતીય જવાનોનું પરાક્રમ

હવે શું થઈ શકે ?

હવે જયારે સીબીઆઈ પાસે તેમની વિરુદ્ધ પુરાવાઓ છે અને કાયદેસરની કાર્યવાહી શરૂ થઈ ચૂકી છે, ત્યારે ભવિષ્યમાં ડીઆઈજી ભુલ્લરનો ક્યારો રસ્તો કેવો હશે તે જોવાનું રહ્યું. એ પણ જોયું જવું રહ્યું કે શું વધુ અધિકારીઓ સામે પણ ભ્રષ્ટાચારના કેસ ખુલશે કે કેમ ?

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ