દુખદ / બોટાદના કાળુભાર ડેમમાં યુવક-યુવતીએ કર્યો આપઘાત, ભાઈને ફોન કરી આપઘાતની કરી જાણ

બોટાદના ગઢડા તાલુકાના કાળુભાર ડેમમાં એક મહિલા અને એક પુરુષે ઝંપલાવીને આપઘાતક ર્યો હતો.ગઢડા પોલીસ અને બોટાદ ફાયર વિભાગની ટીમ તાત્કાલિક ઘટનાસ્થળે પહોંચી હતી. હાલ ફાયર વિભાગ દ્વારા રેસ્ક્યૂ બોટની મદદથી ડેમમાં સઘન શોધખોળ શરૂ કરવામાં આવી છે.

બંને વ્યક્તિઓની શોધખોળ યુદ્ધના ધોરણે ચાલુ

સરપંચ પરાક્રમસિંહે જણાવ્યું હતું કે, ગઢડા પોલીસ સ્ટેશનના બીટ જમાદારે ફોન કરીને કાળુભાર ડેમ પર પહોંચવા જણાવ્યું હતું, જેથી તેઓ તુરંત ઘટનાસ્થળે પહોંચ્યા હતા. હાલ પોલીસ અને ફાયર વિભાગની ટીમ દ્વારા ડેમમાં લાપતા બંને વ્યક્તિઓની શોધખોળ યુદ્ધના ધોરણે ચાલુ છે.

આ પણ વાંચો : અમદાવાદમાં હવાની ગુણવત્તા બગડી, ગોતા-ચાણક્યપુરી-સેટેલાઇટમાં AQI 180ને પાર!

પુરુષ-મહિલાનાં ચંપલ મળ્યાં

ડેમના કિનારેથી એક પુરુષ અને એક મહિલાનાં ચંપલ તેમજ એક બાઈક મળી આવ્યા હતા. તપાસમાં બંને વ્યક્તિઓ કેરાળા ગામનાં હોવાનું સામે આવ્યું છે, જેમાં 25 વર્ષીય શીતલ વિજય શેખ અને રોહિત ભરત સાથળીયાનો સમાવેશ થાય છે.

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ