આગાહી / આગામી 24 કલાકમાં બદલાશે આ રાજ્યોનું હવામાન! અહીં થશે વાવાઝોડાની અસર

Weather Update Today: હવામાન ધીરે-ધીરે બદલાઈ રહ્યું છે અને ઠંડી સતત વધી રહી છે. કેટલીક જગ્યાએ ગાઢ ધુમ્મસને કારણે વિઝિબિલિટી પણ ઘટી ગઈ છે. પહાડી રાજ્યોમાં હિમવર્ષા બાદ, ઉત્તર ભારતમાં શિયાળો શરૂ થઈ ગયો છે. ઉત્તર ભારતના ઘણા શહેરોમાં સવારે અને સાંજે ભારે ઠંડી અનુભવાઈ રહી છે. જેના કારણે લોકોને ગરમ કપડાં પહેરવા પડી રહ્યા છે. હવામાન વિભાગના જણાવ્યા અનુસાર, આગામી 24 કલાક મહત્ત્વપૂર્ણ છે કારણ કે બંગાળની ખાડીમાં ચક્રવાતી તોફાન વિકસી રહ્યું છે, જે દેશના અનેક રાજ્યોને અસર કરશે.

ચક્રવાત સેન્યારની અસર

આગામી 24 કલાકમાં આંદામાન સમુદ્રમાં હવામાનની સ્થિતિ અચાનક બદલાઈ શકે છે. સ્કાયમેટ વેધરના જણાવ્યા પ્રમાણે, આગામી 48 કલાક દરમિયાન ચક્રવાત સેન્યાર લેન્ડફોલ થઈ શકે છે. જેના કારણે 40 થી 50 કિલોમીટર પ્રતિ કલાકની ઝડપે પવન ફૂંકાઈ શકે છે. વાવાઝોડાને કારણે ગાજવીજ અને ભારે વરસાદની પણ સંભાવના છે. આના કારણે ઘણા રાજ્યોમાં હવામાનમાં ફેરફાર થશે.

અહીં ભારે પવન ફૂંકાશે

હવામાન વિભાગે 25 નવેમ્બરથી 1 ડિસેમ્બર દરમિયાન અનેક રાજ્યોમાં ભારે વરસાદની આગાહી કરી છે. સાથે જ વાવાઝોડાના કારણે ભારતના દક્ષિણ અને દરિયાકાંઠાના રાજ્યોમાં ભારે વરસાદની સાથે ભારે પવન ફૂંકાશે તેવી પણ શક્યતા વ્યક્ત કરી છે. આંદામાન અને નિકોબાર ટાપુઓ, ઓડિશા, તમિલનાડુ, કેરળ, આંધ્રપ્રદેશ અને પશ્ચિમ બંગાળના દરિયાકાંઠાના વિસ્તારો આ પવનોથી પ્રભાવિત થઈ શકે છે.

આ પણ વાંચો: SIRમાંથી કપાશે 14,00,000 નામ? એલર્ટ! હવે તમારી પાસે ઝાઝો સમય નથી

કયા રાજ્યો પર થશે અસર?

હવામાન વિભાગે જણાવ્યું કે ઉત્તર ભારતના પહાડી રાજ્યો હિમાચલ પ્રદેશ, જમ્મુ-કાશ્મીર અને ઉત્તરાખંડમાં ઠંડીનું મોજું ફરી શકે છે, સાથે હિમવર્ષાની પણ સંભાવના વ્યક્ત કરવામાં આવી છે. આની અસર ઉત્તર પ્રદેશ, રાજસ્થાન, હરિયાણા, દિલ્હી, મધ્ય પ્રદેશ અને બિહાર જેવા રાજ્યો પર પડી શકે છે. છેલ્લા 24 કલાક દરમિયાન દિલ્હીમાં લઘુત્તમ તાપમાનમાં થોડો ઘટાડો જોવા મળ્યો, મહત્તમ તાપમાન 0.1°C નોંધાયું. પશ્ચિમી પવનો 12 કિમી પ્રતિ કલાકની ઝડપે ફૂંકાયા, જેના કારણે લોકો દિવસ દરમિયાન પણ ગરમ કપડાં પહેરવા લાગ્યા છે.

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ